07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
Մակրոնն իր շրջապատի հետ քննարկել է հրաժարականի հնարավորությունը․ Europe 1
Քաղաքականություն
11.06.2024 | 13:27
Ֆրանսիայի նախագահ Էմանուել Մակրոնն իր շրջապատի հետ քննարկում է երկրի ղեկավարի պաշտոնից հրաժարական տալու հնարավորությունը, եթե աջերը հաղթեն խորհրդարանական ընտրություններում։ Այս մասին հայտնում է Europe 1 ռադիոկայանը՝ վկայակոչելով իր աղբյուրներին։
Ռադիոկայանը, միաժամանակ, հաղորդում է, որ երեքշաբթի առավոտյան Ելիսեյան պալատը հայտարարել է, որ հերքում է այս տեղեկությունները։
Ռադիոկայանի զրուցակցի խոսքով՝ Ֆրանսիայի ղեկավարը վերջին շաբաթներին քննարկել է հնարավոր հրաժարականի հարցը։
«Նախագահի հրաժարականը տաբու չէ։ Այո՛, այսօր մենք պետք է դիտարկենք բոլոր սցենարները։ Նա պատրաստ է զոհաբերել իր հնգամյա ժամկետի ավարտը»,- ասել է ռադիոկայանի աղբյուրը։
Միևնույն ժամանակ, նշվում է, որ սա Մակրոնի նախընտրած տարբերակը չէ, բայց այս հեռանկարը կարող է քարոզարշավում ծառայել որպես «գալիք ընտրությունների դրամատիզացիա»։
Ըստ ռադիոկայանի՝ որպես իրադարձությունների զարգացման ևս մեկ սցենար Ֆրանսիայի ղեկավարը համարում է «Ազգային հանրահավաք» կուսակցության հետ իշխանության համակեցությունը՝ խորհրդարանական ընտրություններում նրա հաղթանակի դեպքում։
