11.08.2026 | 11:42
Էմին Օհանյանը՝ շախմատի Եվրոպայի Մ-20 առաջնության միանձնյա առաջատար
Ռուսաստանում սկսվել է միջուկային ուժերի ոչ ռազմավարական զորավարժությունների երկրորդ փուլը
Քաղաքականություն
11.06.2024 | 10:52
Ինչպես հայտնում են ռուսական լրատվական գործակալությունները՝ վկայակոչելով ՌԴ պաշտպանության նախարարությանը, Ռուսաստանում սկսվել է միջուկային ուժերի ոչ ռազմավարական զորավարժությունների երկրորդ փուլը: Այս փուլում ռուս և բելառուս զինվորականները պետք է մշակեն ոչ ռազմավարական միջուկային զենքի մարտական օգտագործման «համատեղ նախապատրաստման հարցեր», գրում է BBC-ի ռուսական ծառայությունը։
Ռուսաստանի պաշտպանության նախարարությունը զորավարժությունների անցկացման մասին հայտարարել է մայիսի 6-ին։ Ինչպես հաղորդում է ռազմական գերատեսչությունը, այս հրամանը տվել է նախագահ Վլադիմիր Պուտինը, «ի պատասխան Ռուսաստանի Դաշնության դեմ արևմտյան որոշ պաշտոնյաների սադրիչ հայտարարությունների և սպառնալիքների»։
Զորավարժությունների առաջին փուլը սկսվել է մայիսի 21-ին։ Դրանում ներառվել են «Իսկանդեր» համալիրները և «Կինժալ» հիպերձայնային հրթիռները: Բելառուսը մայիսի 7-ից սկսել է մարտավարական միջուկային զենքի կրիչների փորձարկումները։
