Հասարակություն
10.06.2024 | 17:50
Հունիսի 11-ին կմեկնարկի բուհերի ընդունելության 2024 թվականի միասնական քննությունների 2-րդ՝ հիմնական փուլը:
Գնահատման թեստավորման կենտրոնից հայտնում են, որ քննական առաջին օրը հանրապետությունում 1176 դիմորդ քիմիա է հանձնելու, 259-ը՝ ռուսերեն (2023-ին այդ թվերը եղել են համապատասխանաբար 1210 և 313):
Մարզերում քիմիա է հանձնելու 677, Երևանում՝ 499 հոգի:
Ռուսաց լեզու հանձնողները մարզերում 199-ն են, Երևանում՝ 60-ը:
Գործելու է 15 քննական կենտրոն, որից 11-ը՝ մարզերում և 4-ը՝ Երևանում:
Երևանի քննական կենտրոններն են՝ թիվ 11 հիմնական (ՀԱԹ), թիվ 189 ավագ (Դավիթաշեն), թիվ 14 հիմնական (Կենտրոն) և թիվ 190 ավագ (ՀԱԹ) դպրոցներ:
Դավիթաշենում գտնվող թիվ 189 ավագ դպրոցի քննական կենտրոնում 60 հոգի ռուսերեն է հանձնելու, 100-ը՝քիմիա: Մնացած քննական կենտրոններում միայն քիմիա են հանձնելու՝ թիվ 11-ում՝ 140 հոգի, թիվ 14-ում՝ 120 և թիվ 190-ում՝ 139 հոգի:
