23.02.2026 | 18:00
Պապիկյանը Իրան է մեկնել // «Turkish Airlines»-ը ՀՀ-ից թռիչքներ կիրականացնի․ ԼՈՒՐԵՐ
Էրդողանը հունիսի 12-13-ը կմեկնի Իսպանիա
Քաղաքականություն
10.06.2024 | 17:21
Թուրքիայի նախագահ Ռեջեփ Թայիփ Էրդողանը հունիսի 12-13-ը այց է կատարելու Իսպանիա՝ մասնակցելու Թուրքիա-Իսպանիա միջկառավարական 8-րդ գագաթնաժողովին, գրում են տեղական լրատվամիջոցները։
Նշվում է, որ Մադրիդում նախատեսվում է անցկացնել «Իսպանիա-Թուրքիա գործարար համաժողովը», որին մասնակցելու են Էրդողանն և Իսպանիայի վարչապետ Պեդրո Սանչեսը։ Նպատակն է երկու երկրների միջև առևտրային համագործակցության ընդլայնումը, այդ նպատակով պանելային քննարկումներ կանցկացվեն ֆինանսների, կանաչ փոխակերպման, էներգետիկայի, ենթակառուցվածքների և տրանսպորտի թեմաներով:
Նախորդ տարի երկրների միջև երկկողմ առևտրի ծավալը կազմել է շուրջ 19,2 միլիարդ դոլար։ Բացի այդ, անցյալ տարվա դրությամբ՝ Թուրքիայում գործում է ավելի քան 775 իսպանական ընկերություն, որոնց ներդրումները 2016 թվականից ի վեր հասել են 10,5 միլիարդ դոլարի։
