11.08.2026 | 11:42
Էմին Օհանյանը՝ շախմատի Եվրոպայի Մ-20 առաջնության միանձնյա առաջատար
Զելենսկին հայտարարել է, որ ուկրաինական զորքերը լիովին վերահսկում են իրավիճակը Սումիի շրջանում
Քաղաքականություն
10.06.2024 | 14:43
Ուկրաինայի նախագահ Վլադիմիր Զելենսկին X-ում գրել է, որ ուկրաինական զորքերը լիովին վերահսկում են իրավիճակը Սումիի շրջանում։ Միևնույն ժամանակ, նրա խոսքով, տարածաշրջանում ռուսական դիվերսիոն խմբերը «դեռևս ակտիվ են, բայց դրանք ոչնչացվում են»։
Ռիժևկա գյուղում, ըստ Զելենսկիի, ռուս զինվորականները փորձել են «քարոզչական գործողություն իրականացնել»։
«Այսօր առավոտվա դրությամբ՝ ռուսական դրոշը ոչնչացված է, և գյուղում թշնամի չկա»,- հավելել է նա։
Երեկ Չեչնիայի ղեկավար Ռամզան Կադիրովը հայտարարել էր, որ ռուս զինվորականները գրավել են Ռիժևկա գյուղը, որը գտնվում է Կուրսկի շրջանի սահմանին։ Նա նաև հրապարակել էր 1,5 րոպեանոց տեսագրություն՝ տարբեր տեսանյութերից հատվածներով, որի վերջում զինվորական համազգեստով տղամարդը ձեռքին ռուսական դրոշ է պահում, իսկ հետո մի քանի վայրկյան երևում է Ռիժևկայի գյուղական խորհրդի շենքը։
«Ագենստվո»-ն, հղում անելով ուկրաինական OSINT նախագծին, գրում է, որ ամբողջ տեսագրությունից, որը հրապարակել է Կադիրովը, միայն վերջին մասն է նկարված Ռիժևկայում։
«Եթե գյուղի գրավում են անվանում այն, որ մտել են, ծուռ տեսանյութ են նկարել ու դուրս են փախել, քանի որ արդեն ինչ-որ բաներ են թռչում․․․ Զինվորականները Ռիժևկայի «գրավման» մասին, ինչպես և դուք, իմացել են լուրերից»,- գրել է լրատվականը։
