07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
Ուկրաինայի զինված ուժերի ինքնաթիռն առաջին անգամ ՌԴ-ի տարածքում թիրախ է խոցել. Sky News
Քաղաքականություն
10.06.2024 | 13:55
Ուկրաինական ռազմական ինքնաթիռն առաջին անգամ խոցել է Ռուսաստանի տարածքում գտնվող թիրախը։ Այս մասին հայտնել է բրիտանական Sky News հեռուստաալիքը՝ հղում անելով ուկրաինական ռազմական աղբյուրին։
Հեռուստաալիքի զրուցակցի խոսքով՝ հարված է հասցվել Բելգորոդի շրջանում գտնվող «ռուսական հրամանատարական կենտրոնին»։ Թե ինչ տեսակի զինամթերք է օգտագործվել այս հարձակման ժամանակ և արդյո՞ք արևմտյան զենք է կիրառվել, դեռևս պարզ չէ:
«Ուկրաինայի ռազմաօդային ուժերը հարվածել են Բելգորոդում գտնվող ռուսական հրամանատարական կենտրոնին։ Վնասը դեռևս գնահատվում է, սակայն ուղիղ հարվածը հաստատվել է։ Սա Ուկրաինայի զինված ուժերի ռազմաօդային ուժերի կողմից Ռուսաստանի տարածքում գտնվող թիրախի ուղղությամբ արձակված առաջին զինամթերքն է»,- բրիտանական հեռուստաալիքին ասել է անանուն աղբյուրը։
Ավելի վաղ ԱՄՆ-ը և Ֆրանսիան Կիևին թույլատրել էին օգտագործել այդ երկրների կողմից Ուկրաինային տրամադրված զենքերը՝ հարվածելու Ռուսաստանի տարածքում գտնվող ռազմական օբյեկտներին, մասնավորապես, «չեզոքացնելու» ռուսական ռազմաբազաները, որտեղից հարձակումներ են իրականացվում Ուկրաինայի վրա։
