07.10.2026 | 12:56
Կոստանյանը ներկայացրել է ենթակառուցվածքների ապաշրջափակմամբ ստեղծվող տնտեսական հնարավորությունները
Դանիայի վարչապետ Մետե Ֆրեդերիկսենը հարձակման է ենթարկվել Կոպենհագենի կենտրոնում
Քաղաքականություն
08.06.2024 | 11:55
Կոպենհագենում հարձակման է ենթարկվել Դանիայի վարչապետ Մետե Ֆրեդերիկսենը․ գրում է euronews.com-ը։
Միջադեպը տեղի է ունեցել քաղաքի կենտրոնում՝ Կուլտորվետի հրապարակում։ Հաղորդվում է, որ Դանիայի կառավարության ղեկավարին անհայտ տղամարդը հարվածել է, որին այնուհետ ձերբակալել է ոստիկանությունը: Հարձակվողի անունը չի հաղորդվում։
Վարչապետի գրասենյակից հայտնել են, որ Ֆրեդերիկսենը «ցնցված է կատարվածից»: Միաժամանակ դանիական լրատվամիջոցները հայտնում են, որ քաղաքական գործչի հետ ամեն ինչ կարգին է։ Ինքը՝ Ֆրեդերիկսենը, դեռ որևէ մեկնաբանություն չի տվել կատարվածի վերաբերյալ։
Միջադեպի առնչությամբ Դանիայի վարչապետին արդեն իսկ աջակցություն են հայտնել Եվրամիության քաղաքական գործիչները։ Ֆինլանդիայի վարչապետ Պետերի Օրպոն ասել է, որ «խստորեն դատապարտում է մեր ազատ հասարակություններում ժողովրդավարական ճանապարհով ընտրված առաջնորդների նկատմամբ բռնության ցանկացած ձև»:
Շվեդիայի վարչապետ Ուլֆ Քրիսթերսոնը գրել է. «Ինձ համար Մետեն շատ լավ գործընկեր է և իմաստուն գործընկեր: Ժողովրդավարական ճանապարհով ընտրված առաջնորդի վրա հարձակումը նաև հարձակում է մեր ժողովրդավարության վրա»:
