11.08.2026 | 11:42
Էմին Օհանյանը՝ շախմատի Եվրոպայի Մ-20 առաջնության միանձնյա առաջատար
ՌԴ-ում ծայրահեղական են ճանաչել գոյություն չունեցող կազմակերպությունը՝ «Հակառուսական անջատողական շարժումը»
Քաղաքականություն
07.06.2024 | 20:40
Ռուսաստանի Գերագույն դատարանը ծայրահեղական է ճանաչել գոյություն չունեցող «Հակառուսական անջատողական շարժում» կազմակերպությունը, ինչպես նաև արգելել է նրա գործունեությունը Ռուսաստանի Դաշնության տարածքում։ Այս մասին հայտնում է Mediazona-ն։
Նիստը, որի ժամանակ դատարանը որոշել է արգելել «Հակառուսական անջատողական շարժումը», անցկացվել է փակ դռների հետևում։
Ըստ ՌԴ Արդարադատության նախարարության, որը դատական հայց է ներկայացրել գոյություն չունեցող կազմակերպության արգելման համար, այս շարժումը նպատակ ունի «ոչնչացնել Ռուսաստանի բազմազգ միասնությունը և տարածքային ամբողջականությունը»։ Շարժման կամ նրա սիմվոլիզմի տարբերակիչ որևէ առանձնահատկություններ չեն հաղորդվում:
Ռուսաստանում և աշխարհում այս անունով պաշտոնական կազմակերպությունների, կուսակցությունների կամ շարժումների գրանցումը նախկինում հայտնի չի եղել։
SOVA մարդու իրավունքների կենտրոնը գոյություն չունեցող կազմակերպության արգելքն անվանում է «ռետինե», այսինքն՝ այն թույլ է տալիս ուժեղացնել ռեպրեսիաները տարբեր տարածաշրջանային նախաձեռնությունների անդամների նկատմամբ։
«Ազատ Բուրյաթիա» հիմնադրամի նախագահ Ալեքսանդրա Գարմաժապովան արդեն հայտարարել է, որ նոր կանոնը կկիրառվի իրենց նկատմամբ։ Նրա կարծիքով՝ շատ հակապատերազմական էթնիկ ակտիվիստներ կարող են սպառնալիքի տակ լինել, նույնիսկ եթե նրանք որևէ անջատողականության կոչ չանեն:
