07.10.2026 | 15:01
«Էրեբունի-Երևան 2808»-ի միջոցառումներով պայմանավորված մի շարք փողոցներ կփակվեն
Ադրբեջանում 44-օրյա պատերազմի ինքնահրկիզված մասնակիցը մահացել է
Քաղաքականություն
07.06.2024 | 17:19
Ադրբեջանում նախօրեին ինքնահրկիզված Արցախյան 44-օրյա պատերազմի մասնակիցը մահացել է, հայտնում են ադրբեջանական լրատվամիջոցները։
Հիշեցնենք, որ Դաշքեսանում Չիրաղլի գյուղի բնակիչ 28-ամյա Ադալեթ Իսմայիլովը բենզին էր լցրել իր վրա ու ինքնահրկիզվել։ Իսմայիլովի վիճակը ծանր էր, նրան Գյանջայից տեղափոխել էին Բաքու։ Տեղի հիվանդանոցներից մեկում էլ նա մահացել է։
Լրատվամիջոցները գրում են, որ Իսմայիլովի նկատմամբ նշանակվել է վարչական տույժ՝ 60 մանաթի չափով, կանոնների խախտումներով «ՎԱԶ 2106»-ը վարելու համար։ Վարչական պատասխանատվության անհիմն լինելու վերաբերյալ նրա դիմումները քննվել են, սակայն որոշումը մնացել է անփոփոխ։
Հավելենք, որ Արցախյան պատերազմի ադրբեջանցի մասնակիցների շրջանում ինքնասպանության դեպքերի թիվը, ըստ տարբեր տեղեկությունների, գերազանցում է 80-ը։ Նրանք կյանքին վերջ են տվել հիմնականում ինքնահրկիզման, կախվելու միջոցով, 50-ից ավելին էլ ինքնասպանության փորձ է կատարել։
Էմմա Չոբանյան
