07.10.2026 | 15:44
ԱՄՆ-ում մահապատժի ընթացքում ողջ մնացած կինը գիտակցության է եկել
Թուրքիան ստորագրել է F-16-ներ գնելու՝ ԱՄՆ-ի առաջարկի և դրա ընդունման մասին նամակը
Քաղաքականություն
07.06.2024 | 16:17
ԱՄՆ Պետքարտուղարությունը ողջունել է Թուրքիայի կողմից պաշտոնական նամակի ստորագրումը, որը հավաստում է 23 միլիարդ դոլար արժողությամբ 40 միավոր նոր F-16 Block 70 կործանիչներ ներառող ռազմական վաճառքի փաթեթը։
«Թուրքիան ստորագրել է F-16-ներ գնելու առաջարկի և դրա ընդունման նամակը։ Վաճառքը ներդրում է ՆԱՏՕ-ի փոխգործունակության մեջ և կաջակցի Միացյալ Նահանգների, Թուրքիայի և ՆԱՏՕ-ի դաշինքի ազգային անվտանգության շահերին: Կարող եք հիշել, որ որոշ ժամանակ տևեց այս կոնկրետ վաճառքն ավարտին հասնելու համար, և մենք ուրախ ենք տեսնել, որ այն առաջ է ընթանում»,- ճեպազրույցում հայտարարել է ԱՄՆ Պետքարտուղարության խոսնակ Մեթյու Միլլերը։
Այս մեկնաբանությունները վկայում են այն մասին, որ երկու կողմերը համաձայնության են եկել գնման պայմանների շուրջ։ Վաճառքի հետ մեկտեղ Թուրքիան շարունակում է փնտրել F-16-ների որոշ մասերի համատեղ արտադրություն և փոխհատուցել շուրջ 1,4 միլիարդ դոլարը, որը նա ներդրել էր F-35 կործանիչների համար՝ նախքան հանվեց այդ ծրագրից ռուսական C-400 համակարգերի գնման պատճառով։
Միաժամանակ, նախօրեին Անկարայում ԱՄՆ դեսպան Ջեֆ Ֆլեքը հանդիպել է Թուրքիայի պաշտպանության նախարար Յաշար Գյուլերի հետ և գրառում արել X-ում։
«Այսօր կարևոր առաջընթաց է Թուրքիայի կողմից վերջին սերնդի F-16 Block 70 կործանիչների գնման գործում: Սա լավ է ԱՄՆ ազգային անվտանգության, Թուրքիայի ազգային անվտանգության և ՆԱՏՕ-ի փոխգործունակության համար»,- գրել է դեսպանը։
Էմմա Չոբանյան
