07.10.2026 | 17:17
Ռուբիոն հայտարարել է, որ Իրանը «լիովին կորցրել է վերահսկողությունը» Հորմուզի նեղուցի նկատմամբ
ՌԴ-ն կրկին հրթիռներով և ԱԹՍ-ներով զանգվածային հարվածներ է հասցրել Ուկրաինային
Քաղաքականություն
07.06.2024 | 12:22
Հունիսի 6-ի լույս 7-ի գիշերը ռուսական զորքերը հրթիռներով և անօդաչու սարքերով հարձակվել են Ուկրաինայի վրա, հայտնել են Ուկրաինայի Զինված ուժերի ռազմաօդային ուժերը, գրում է Current Time-ը։
Կիևի շրջանային ռազմական վարչակազմի ղեկավար Ռուսլան Կրավչենկոն հայտնել է, որ օդային հարձակման տագնապը տարածաշրջանում տևել է 4 ժամ։
«Օդային հարձակման հետևանքով հրդեհ է բռնկվել տարածաշրջանի արտադրական օբյեկտներից մեկում»,- ասել է նա՝ չհստակեցնելով, թե ինչ օբյեկտի մասին է խոսքը։
Ըստ պաշտոնյայի՝ վիրավորներ չկան։ Հրդեհի հետևանքների վերացման աշխատանքները շարունակվում են։
Ուկրաինայի Զինված ուժերի ռազմաօդային ուժերի հրամանատարության համաձայն՝ ռուս զինվորականներն Ուկրաինայի ուղղությամբ արձակել են հինգ Х-101/Х-555 թեւավոր հրթիռ և 53 «Շահեդ» տիպի գրոհային անօդաչու թռչող սարքեր։ Ուկրաինացի զինվորականները Դնեպրոպետրովսկի, Զապորոժիեի, Կիրովոգրադի, Նիկոլաևի, Խերսոնի, Օդեսայի, Խարկովի, Կիևի և Խմելնիցկի շրջանների վրա 5 հրթիռ և 48 անօդաչու թռչող սարք են խոցել։
Հարվածների թիրախ են դարձել կարևոր ենթակառուցվածքները, ասվում է զեկույցում:
ՌԴ ՊՆ-ն իր հերթին հայտնել է բռնակցված Ղրիմի, Ազովի ծովի, Կուբանի, Բելգորոդի և Ռոստովի շրջանում 28 անօդաչու թռչող սարքի ոչնչացման մասին։
