18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ԱՄՆ-ը երբեք չի արգելել Ուկրաինային ինքնաթիռներ խոցել Ռուսաստանի երկնքում. Սպիտակ տուն
Քաղաքականություն
05.06.2024 | 14:07
ԱՄՆ-ը երբեք սահմանափակումներ չի մտցրել Ուկրաինայի նկատմամբ Ռուսաստանի տարածքում թշնամու ինքնաթիռները խոցելու համար։ Այս մասին ճեպազրույցում հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
Նրա խոսքով՝ ուկրաինացիների համար երբեք սահմանափակումներ չեն եղել թշնամու ինքնաթիռները խոցելու հետ կապված, նույնիսկ եթե դրանք Ուկրաինայի օդային տարածքում չեն։ Ուկրաինացի զինվորականները, ըստ նրա, կարող են խոցել ռուսական ինքնաթիռները, որոնք անմիջական վտանգ են ներկայացնում։
Լրագրողների հարցին՝ արդյո՞ք Քիրբին կարող է հաստատել տեղեկությունն այն մասին, որ Ուկրաինան առաջին անգամ ամերիկյան զենք է կիրառել ՌԴ տարածքում, նա ասել է, որ չի կարող պատասխանել։
«Ինչպես արդեն ասացի՝ մենք պարզապես ի վիճակի չենք ամեն օր հստակ իմանալ, թե ինչի վրա են կրակում ուկրաինացիները։ Դա, իհարկե, տակտիկական մակարդակով։ Այդ պատճառով ես չեմ կարող դա հաստատել։ Կարող եմ միայն ասել, որ նրանք հասկանում են հրահանգները, որ նրանց տվել են»,- ասել է Սպիտակ տան ներկայացուցիչը։
Ավելի վաղ հաղորդվել էր, որ Ուկրաինայի Զինված ուժերի՝ ռուսական տարածքում ամերիկյան զենք օգտագործելու թույլտվությունը կարող է ընդլայնվել։ Դա կախված կլինի մարտի դաշտում տիրող իրավիճակից։
