24.06.2026 | 19:14
Կրեմլը հերքում է Պետդումայի ընտրությունները հետաձգելու վերաբերյալ լուրերը
Չհանդիպելու հրահանգ չկա, պատրաստ եմ մեզ վերաբերելի ձևաչափով․ ՄԻՊ-ը՝ ընդդիմության պահանջի մասին․ ՏԵՍԱՆՅՈՒԹ
Հասարակություն
04.06.2024 | 17:27
ՀՀ ՄԻՊ Անահիտ Մանասյանը ԱԺ-ում լրագրողների հետ ճեպազրույցում պարզաբանել է՝ ինչու այսօր չի հանդիպել «Տավուշը հանուն հայրենիքի» շարժման ներկայացուցիչների և շարժման առաջնորդ Բագրատ արքեպիսկոպոս Գալստանյանի հետ։
«Անձամբ, գիտեք, երբևէ չեմ խուսափում թե՛ քաղաքացիների, թե՛ լրագրողների հետ շփվելուց։ Այս փուլում էլ պատրաստ եմ մեզ վերաբերելի մեթոդաբանությամբ ու ձևաչափով ունենալ հանդիպում»,- ասել է պաշտպանը։
Նրա պնդմամբ՝ ինքը «Տավուշը հանուն հայրենիքի» շարժման առաջնորդի հետ չհանդիպելու հրահանգ չի ստացել։
Հիշեցնենք, որ Բագրատ արքեպիսկոպոսը «Տավուշը հանուն հայրենիքի շարժման» աջակիցների հետ այսօր ՄԻՊ գրասենյակի շենքի մոտ էր գնացել։ Նրանք հայտարարել էին, որ այցելել են Մարդու իրավունքների պաշտպանի գրասենյակ, որպեսզի իրենց հարցումներին պատասխան տան՝ այս ընթացքում ՄԻՊ-ը ծառայել է մարդու իրավունքների՞ն, թե՞ ոչ։ Ակցիայի մանսակիցները նաև ցանկանում էին հանդիպել Անահիտ Մանասյանի հետ։
ՄԻՊ-ը պատրաստ է ընդունել սրբազանին ու ևս 3 քաղաքացու՝ առանց ԶԼՄ ներկայացուցիչների․ խոսնակ․ ՏԵՍԱՆՅՈՒԹ
ՄԻՊ գրասենյակի հանրային կապերի բաժնից էլ տեղեկացրել էին, որ Մանասյանը պատրաստ է չորս հոգանոց խմբի ընդունել՝ առանց լրատվամիջոցների ներկայացության, սակայն շարժման մասնակիցները չէին համաձայնել առաջարկին։
Մանրամասները՝ տեսանյութում։
