01.11.2024 | 16:29
Բրնձի առանձին տեսակների նկատմամբ սահմանվել է սակագնային քվոտա
Մոսկվայում մոբիլիզացվածների կանայք և մայրերը ՊՆ-ի մոտ ակցիա են անցկացրել՝ պահանջելով հանդիպում նոր նախարարի հետ
Քաղաքականություն
03.06.2024 | 18:50
Մոսկվայում մոբիլիզացվածների կանայք և մայրերը բողոքի ակցիա են անցկացրել ՌԴ Պաշտպանության նախարարության շենքի մոտ։ Այս մասին գրում է Meduza-ն։
Հրապարակված լուսանկարներում երևում է, որ կանայք ծնկաչոք են, ձեռքերին՝ «Խնդրո՛ւմ եմ, հայրիկին վերադարձրեք տուն», «Ժամանակն է, որ մոբիլիզացվածները գան տուն», «Անդրեյ Ռեմովիչ Բելոուսով, խոսի՛ր մեզ հետ։ Մենք կանք» գրությամբ պաստառներ։
Երբ կանայք հավաքվել են ՊՆ շենքի մոտ, նրանց է մոտեցել ոստիկանության աշխատակիցներով մեքենան։ Ոստիկանության ժամանելուց հետո ցուցարարները ծնկի են իջել։
«Եկեք ծնկի իջած կանանց տարեք»,- ասել է ակցիայի մասնակիցներից մեկը։
Ակցիա իրականացնող կանանց է մոտեցել սպայական համազգեստով մի տղամարդ։ ՊՆ ներկայացուցչի հետ զրույցում նրանք դժգոհել են զինվորների նկատմամբ վերաբերմունքից, ծառայությունում առկա խնդիրներից և զորահավաքի անժամկետ լինելուց։ Ի պատասխան՝ զինվորականն ասել է, որ տղամարդկանց տուն վերադառնալու համար անհրաժեշտ է հրամանագիր, որը չկա։
Զինվորականը նաև ասել է, որ կանայք դիտավորյալ էլ դուրս եկել, որ նրանց նկարահանեն «ընդդիմադիր տելեգրամյան ալիքները»։
«Սրանից հետո ձեզ Ռուսաստանի քաղաքացիներ անվանելու կարիք չկա»,- ասել է զինվորականը՝ գրառելով այն խնդիրները, որոնց մասին կանայք պատմել են։
