11.08.2026 | 14:29
Արթուր Ղարիբյանն արժանացել է բարձր գնահատականի ու ընդգրկվել տուրի խորհրդանշական հավաքականում. ԼՈՒՍԱՆԿԱՐ
Հնդկաստանի արևելքում շոգը 24 մարդու կյանք է խլել
Քաղաքականություն
31.05.2024 | 17:52
Հնդկաստանի արևելյան Բիհար և Օդիշա նահանգներում սաստիկ շոգի հետևանքով առնվազն 24 մարդ է մահացել, հայտնում է Reuters-ը:
Հինգշաբթի օրը Բիհարում մահացել է ընդհանուր առմամբ 14 մարդ, հայտնել են պաշտոնյաները, այդ թվում՝ 10 հոգի, որոնք ներգրավված են եղել յոթ փուլով անցկացվող համապետական ընտրությունների կազմակերպման մեջ: Շաբաթ օրը Բիհարի որոշ հատվածներ քվեարկում են ընտրությունների վերջին փուլում:
Նույն օրը 10 մարդու մահ է գրանցվել նաև Օդիշայի Ռուրկելա շրջանի կառավարական հիվանդանոցում, Reuters-ին հայտնել են իշխանությունները: Օդիշայի կառավարությունը բնակչությանը խնդրել է բացօթյա գործունեություն չիրականացնել ժամը 11-ից մինչև 15-ը, երբ ջերմաստիճանն ամենաբարձրն է:
Հնդկաստանի մայրաքաղաքում ուրբաթ կեսօրին ջերմաստիճանը հասել է 45,4 աստիճանի։ Այստեղ բնակչությունը բախվում է ջրի սուր պակասի: Հնդկաստանի օդերևութաբանական դեպարտամենտի (IMD) տվյալների համաձայն՝ հյուսիսարևմտյան և կենտրոնական շրջաններում շոգի ալիքը կնվազի շաբաթ օրը: Երկրի արևելքում շոգը կպահպանվի ևս մի քանի օր։
Նյու Դելիում բարձր ջերմաստիճանի հետևանքով անգամ թռչուններ և վայրի կապիկներ են ուշագնաց եղել։
