15.06.2026 | 14:39
«Ռեալը» ևս մեկ տրանսֆեր է համաձայնեցրել
Կարմիր գծերի SMS-ների համար միջնորդավճարի տոկոսադրույքը մնացել է անփոփոխ. ՎիվաՍել-ՄՏՍ
Հասարակություն
11.07.2017 | 11:24
Ի պատասխան բազմաթիվ հարցումների և հրապարակումների, «ՎիվաՍել-ՄՏՍ-ը» տեղեկացնում է, որ կարճ (SMS) հաղորդագրության միջոցով՝ ավտոկայանատեղի համար վճարման ձևերի և գանձվող գումարի դրույքաչափերի սահմանումն ու դրանց փոփոխումն ընկերության իրավասության շրջանակներից դուրս են: Ըստ այդմ՝ վերը նշվածի առնչությամբ ընկերությունը որևէ նախաձեռնությամբ հանդես չի եկել:
Համապատասխան պայմանագրի հիման վրա «ՎիվաՍել-ՄՏՍ-ին» վճարվող միջնորդավճարի տոկոսադրույքը մնացել է անփոփոխ:
«ՎիվաՍել-ՄՏՍ-ը» որպես հեռահաղորդակցության ծառայություններ մատոցող ընկերություն, ի թիվս այլ ընկերությունների, իրականացնում է անկանխիկ եղանակով ավտոկայանատեղի համար վճարներ փոխանցելու՝ բացառապես տեխնիկական աջակցության գործառույթ:
Հիշեցնենք, որ երեկ Factor.am-ը նույն հարցով դիմել էր կազմակերպությանը, սակայն Վիվա-Սել-ՄՏՍ-ի աշխատակիցն ասել էր, թե չի կարող ասել ինչու է փոփոխվել սակագինը. «Մեզ հետ կապված չէ․մենք ընդամենը միջնորդ կազմակերպություն ենք»։
