23.02.2026 | 21:00
Պատերազմի ռիսկը կտրուկ նվազեց. «Թրամփի ուղին» նախ անվտանգության գործիք է, հետո՝ տնտեսական․ Դավիթ Պետրոսյան․ ՏԵՍԱՆՅՈՒԹ
ՌԴ ՊՆ ղեկավարը հայտարարել է, թե «ՆԱՏՕ-ն ու ԵՄ-ն լարվածություն են առաջացնում Հայաստան-Ադրբեջան հարաբերություններում»
Քաղաքականություն
31.05.2024 | 15:46
ՆԱՏՕ-ն ու ԵՄ-ն Ռուսաստանի հետ իրենց առճակատման կուրսով անհանգստության աճ են առաջացնում Վրաստանում, ինչպես նաև հայ-ադրբեջանական հարաբերություններում։ Այս մասին հայտարարել է ՌԴ նորանշանակ ՊՆ ղելավար Անդրեյ Բելոուսովը, գրում է ՏԱՍՍ-ը։
«Դաշինքի առանձին երկրներ ձգտում են ամրապնդել իրենց դիրքերը Կովկասում՝ դրանով իսկ ելք ստանալով դեպի Կասպից ծովի ռեսուրսներ և ուղղակի մուտք դեպի Կենտրոնական Ասիա։ Ապակայունանում է իրավիճակն ու Վրաստանում ակտիվանում են ֆինանսավորվող ցույցերը՝ ձգտելով հասնել ակտիվ հակառուսական գործողությունների»,-ասել է Բելոուսովը Ալմաթիում ՀԱՊԿ անդամ երկրների ՊՆ ղեկավարների խորհրդի նիստում։
«Հայաստանին ու Ադրբեջանին հակասությունների լուծման համար պարտադրվում են միջնորդական ջանքեր։ Առաջարկվում է ստորագրել խաղաղության պայմանագիր բացառապես արևմտյան հարթակներում ու նրանց թելադրանքով»,-ասել է ՌԴ ՊՆ ղեկավարը՝ հավելելով․
«Առանձնապես մտահոգիչ են Վաշինգտոնի և Բրյուսելի ծրագրերը՝ անվտանգության և պաշտպանության ամրապնդման պատրվակով մեր հայ գործընկերներին իրենց շահերի ոլորտ ներգրավելու համար»։
Նա նշել է, որ «ՆԱՏՕ-ի և Եվրամիության կուրսը Ռուսաստանի հետ առճակատման ուղղությամբ լարվածության աճ է առաջացնում ՀԱՊԿ հավաքական անվտանգության մի շարք շրջաններում»։
Հավելենք, որ Հայաստանը չի մասնակցում ՀԱՊԿ անդամ երկրների ՊՆ ղեկավարների խորհրդի նիստին։
