23.02.2026 | 21:00
Պատերազմի ռիսկը կտրուկ նվազեց. «Թրամփի ուղին» նախ անվտանգության գործիք է, հետո՝ տնտեսական․ Դավիթ Պետրոսյան․ ՏԵՍԱՆՅՈՒԹ
Բլինքենն ու Ֆիդանը քննարկել են Հարավային Կովկասում խաղաղությանն աջակցելու հնարավորությունները
Քաղաքականություն
31.05.2024 | 10:48
ՆԱՏՕ-ի ԱԳ նախարարների ոչ պաշտոնական հանդիպման շրջանակում ԱՄՆ պետքարտուղար Էնթոնի Բլինքենը Պրահայում նախօրեին հանդիպել է Թուրքիայի արտաքին գործերի նախարար Հաքան Ֆիդանին։
ԱՄՆ Պետքարտուղարության փոխանցմամբ՝ կողմերը քննարկել են նաև Հարավային Կովկասում խաղաղության աջակցելու հնարավորությունները։ «Պետքարտուղար Բլինքենը և արտաքին գործերի նախարար Ֆիդանը քննարկել են Գազայում հրադադարի համաձայնության հասնելու ջանքերը, որը կապահովի պատանդների ազատ արձակումը, ինչպես նաև Գազային մարդասիրական օգնության ավելացման և տարածաշրջանային անկայունությունը կանխելու կարևորությունը: Նրանք նաև քննարկել են Կովկասյան տարածաշրջանում խաղաղությանն ու բարգավաճմանը աջակցելու հնարավորությունները»,-ասվում է հաղորդագրության մեջ։
Հանդիպման վերաբերյալ Բլինքենը գրառում է արել նաև X-ի իր միկրոբլոգում։
«Այսօր Պրահայում հանդիպել եմ Թուրքիայի ԱԳ նախարար Հաքան Ֆիդանին՝ քննարկել Գազայի հատվածին մարդասիրական օգնության ավելացման կարևորությունը և Կովկասում խաղաղությանն ու բարգավաճմանը աջակցելու ուղիները»,-նշել է ԱՄՆ պետքարտուղարը։
