30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Զախարովան՝ Կովկասում տրանսպորտային ուղիների մասին
Քաղաքականություն
30.05.2024 | 18:00
«Հյուսիս-Հարավ» միջազգային տրանսպորտային միջանցքը կդառնա եվրասիական մեծ տարածք ձևավորելու Ռուսաստանի նախագահի առաջնահերթ նախաձեռնության իրականացման առանցքային օղակներից մեկը։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ենթադրվում է, որ այս երթուղին կմիացնի Բալթյան և Արկտիկայի նավահանգիստները Պարսից ծոցի ափերի և Հնդկական օվկիանոսի նավահանգիստների հետ և կդառնա Եվրասիական տարածքում խոշոր օղակ ձևավորելու Ռուսաստանի նախագահի գլխավոր նախաձեռնության իրականացման առանցքային օղակներից մեկը»,- նշել է նա։
Զախարովան ընդգծել է, որ Ռուսաստանը մեծ ուշադրություն է դարձնում տրանսպորտային և լոգիստիկ կապերի հաստատմանը հարևան երկրների, այդ թվում՝ Հարավային Կովկասի երկրների հետ։
«Մենք ամուր առևտրատնտեսական կապեր ենք հաստատել մեր հարևանների հետ, և, ինչպես գիտեք, Հարավային Կովկասում հիմնական խոչընդոտը հայ-ադրբեջանական հակամարտությունն էր»։
Մանրամասները՝ տեսանյութում
