17.06.2026 | 01:30
ԱԱ-2026․ Ֆրանսիան մեկնարկեց հաղթանակով, Մբապեի դուբլը. ՏԵՍԱՆՅՈՒԹ
«Փայլոու» մանկական մյուզիքլը նոր լուսային ու ձայնային լուծումներով կներկայացվի Հանրապետության հրապարակում
Մշակույթ
30.05.2024 | 15:46
«Արտավազդ» թատերական մրցանակաբաշխությանը «Լավագույն մանկական ներկայացում» անվանակարգում հաղթած «Փայլոու»-ն Երեխաների պաշտպանության միջազգային օրը՝ հունիսի 1-ին, Երևանի քաղաքապետարանի նախաձեռնությամբ հասանելի կլինի բոլոր փոքրիկներին․ տեղեկացնում են Երևանի քաղաքապետարանից։
Թե՛ երեխաները, թե՛ մեծահասակներն այն դիտելու հնարավորություն կունենան Հանրապետության hրապարակում երեկոյան 20:00-ին:
Նախագծի երաժշտական պրոդյուսեր Գրիգոր Կյոկչյանի խոսքով՝ մյուզիքլը երկնքից ընկնող աստղի մասին է, որն իրականացնում է բոլոր մանուկների և մեծահասակների երազանքները: «Երևանի երկնքի տակ ներկայացումը բոլորովին այլ մասշտաբների է. ներկայացման համար Հայաստան է ներկրվել հատուկ տեխնիկա: Կլինեն նաև սցենարական նոր լուծումներ, նոր տեսարաններով, նոր լուսային ու ձայնային լուսավորում և երգի պրեմիերա»,-նշում է պրոդյուսերը:
