Քաղաքականություն
30.05.2024 | 22:56
Բաքվում Գերմանիայի դեսպան Ռալֆ Հորլեմանը այցով գտնվում է ԼՂ բնակավայրերում։ Նա այցելել է նաև հայաթափված Շուշի քաղաքը։
«Ես արդյունավետ հանդիպում ունեցա Շուշիի շրջանում հատուկ ներկայացուցիչ Այդին Քերիմովի հետ, իմացա շատ բան զարգացման ջանքերի, տեղահանվածների վերադարձ մասին։ Ես իսկապես սիրահարվեցի Շուշիին և շատ տպավորված եմ վերակառուցման ծրագրի առաջընթացով։ Ես կվերադառնամ»,-գրել է դեսպանը X-ի իր էջում։
Նա անդրադարձ չի կատարել քաղաքի հայկական պատմամշակութային ու կրոնական վայրեր այցելելու կամ բռնի տեղահանված հայ բնակչության վերադարձի խնդիրներին։
Ի դեպ, վերջին շրջանում Բաքուն հիմնահատակ ավերել է Շուշիի հայկական Կանաչ ժամ եկեղեցին, Ղազանչեչցոց հայկական գերեզմանոցը, ինչպես նաև Քարին տակ գյուղը։
Հավելենք, որ 2022թ-ին Շուշի էր այցելել Ադրբեջանում Գերմանիայի այն ժամանակվա դեսպան Վոլֆգանգ Մանիգը։
Էմմա Չոբանյան
