07.10.2026 | 09:30
ՀՀ տարածքում ավտոճանապարհներն անցանելի են
Արտոնություն՝ թիթեղյա տարաներ արտադրող ընկերությանը
Տնտեսություն
30.05.2024 | 11:20
Թիթեղյա տարաներ արտադրող «Մետալ Ուորլդ» սահմանափակ պատասխանատվությամբ ընկերությանը գործադիրն արտոնություն տվեց։ Որոշման հիմնավորման մեջ նշվում է, որ «Մետալ Ուորլդ» ընկերության կողմից ներմուծվող սարքավորումները նախատեսվում է օգտագործել թիթեղյա տարաների արտադրության համար։ Արտադրությունն իրականացվելու է Երևան քաղաքում։ Ընկերությունը հիմնադրվել է 2004 թվականին։
Արտոնություն ստանալու համար ներկայացված ապրանքների արժեքը կազմում է 115 մլն դրամ: Մաքսատուրքից ազատման արտոնությունը գնահատվում է 10 մլն դրամ։ Հիմնավորման մեջ նաև նշվում է, որ ծրագրի շրջանակներում նախատեսվում է իրականացնել 115 մլն դրամի ներդրում սարքավորումների ձեռքբերման համար։
Տեղեկացնենք, որ թիթեղյա տարաներ արտադրող ընկերությունում առկա է 35 աշխատատեղ՝ 200 հազ դրամ միջին ամսական աշխատավարձով։ Նախատեսվում է ներդրումային ծրագրի շրջանակներում, մինչև 2026 թվականը ընկած ժամանակահատվածում աշխատատեղերի թիվը հասցնել մինչև 38-ի՝ 250,000 դրամ միջին ամսական աշխատավարձով։
Հավելենք, որ ըստ իրավաբանական անձանց պետական ռեգիստրի՝ (e-register) ընկերության իրական շահառուն Հարություն Հովհաննիսյանն է հարյուր տոկոս մասնակցությամբ։
Մանյա Պողոսյան
