23.11.2024 | 19:17
Երևանի և Կոտայքի մարզի մի շարք հասցեներում 24 ժամ ջուր չի լինի
Իսրայելական տանկերը հասել են Ռաֆահի կենտրոն
Քաղաքականություն
28.05.2024 | 18:18
Իսրայելի պաշտպանության բանակի մի քանի տանկեր հասել են Գազայի հատվածի Ռաֆահի կենտրոն։ Այս մասին հայտնում է Reuters-ը՝ ականատեսներին հղումով։
Գործակալության զրուցակիցները նշել են, որ տանկերը նկատվել են Ալ-Աուդա մզկիթի մոտակայքում, որը քաղաքի տեսարժան վայրերից է հենց Ռաֆահի կենտրոնում:
Մայիսի 27-ին Իսրայելի պաշտպանության բանակը խոշոր հարձակում է իրականացրել Ռաֆահի ճամբարի վրա՝ վերջին ամիսների ընթացքում արմատական պաղեստինյան ՀԱՄԱՍ շարժման կողմից Թել Ավիվի վրա առաջին հարձակման ֆոնին:
Հաղորդվում է նաև, որ անցած գիշերվա ընթացքում իսրայելական օդուժն ու տանկերը ռմբակոծել են Ռաֆահը։ Ըստ Գազայի հատվածի առողջապահական համակարգի հաղորդման՝ Ռաֆահ քաղաքում փախստականների վրանային ճամբարի վրա Իսրայելի հարվածի հետևանքով առնվազն 45 մարդ է զոհվել, իսկ հարյուրավոր մարդիկ տարբեր աստիճանի այրվածքներ ու վնասվածքներ են ստացել։
Միջազգային հանրությունն ու հումանիտար կազմակերպությունները դատապարտել են Իսրայելի հարձակումը խաղաղ բնակչության դեմ։
