11.08.2026 | 13:40
TRIPP-ի շրջանակներում ՀՀ տարածքով գազամուղ է անցնելու, հնարավորություն է ևս մեկ աղբյուրի․ Խանդանյան․ ՏԵՍԱՆՅՈՒԹ
Հետաքրքիր առաջարկներ ունեմ Կովկասի համար, լուրջ քննարկել ենք Ադրբեջան այցի ժամանակ․ Լուկաշենկոն՝ Պուտինին
Քաղաքականություն
24.05.2024 | 12:25
Բելառուսի և Ռուսաստանի նախագահները քննարկելու են առաջին հերթին անվտանգության հարցեր, իսկ մայիսի 24-ին կառավարությունների անդամների մասնակցությամբ՝ տնտեսական հարցեր։ Այս մասին հայտարարել է Բելառուսի նախագահ Ալեքսանդր Լուկաշենկոն ՌԴ նախագահ Վլադիմիր Պուտինի՝ Մինսկ ժամանելուց հետո կայացած հանդիպմանը, գրում է ԲԵԼՏԱ-ն։
Հաշվի առնելով Պուտինի վերջին այցը Չինաստան՝ Լուկաշենկոն նշել է, որ մտադիր է քննարկել հարաբերությունները ՉԺՀ-ի հետ փոխգործակցության համատեքստում։
«Կարծում եմ՝ Սի Ցզինպինն ուրախ կլինի, որ մենք քննարկում ենք այդ հարցերը։ Ես ունեմ շատ հետաքրքիր առաջարկներ մեր տարածաշրջանի, ինչպես նաև Կովկասի համար։ Մենք շատ լուրջ քննարկել ենք Ադրբեջան այցի ժամանակ»,- ասել է Բելառուսի նախագահը։
Հիշեցնենք, որ օրերս Լուկաշենկոն պետական այցով Բաքվում էր, որտեղ բանակցություններ էր անցկացրել Ադրբեջանի նախագահ Իլհամ Ալիևի հետ։ Բացի այդ, նա Ալիևի հետ այցելել էր Արցախի Վարանդա ու Շուշի քաղաքներ։
