11.08.2026 | 13:00
Թուրքիայի խորհրդարանը հաստատել է քրդական PKK-ի զինյալների համար համաներում հայտարարելու օրենքը
Ղրիմը հրթիռային հարձակման է ենթարկվել
Քաղաքականություն
24.05.2024 | 13:10
Ռուսաստանի կողմից նշանակված բռնակցված Ղրիմի ղեկավար Սերգեյ Աքսյոնովը հայտարարել է մայիսի 23-ի երեկոյան Սիմֆերոպոլի շրջանում հրթիռային հարձակման հետևանքով երկու մարդու մահվան մասին։ Այս մասին նա գրել է իր Telegram ալիքում, փոխանցում է Current Time-ը։
Աքսյոնովի խոսքով՝ նրանք «երկու պատահական անցորդներ» են եղել։ Ալուշտայի շրջանում, նրա պնդմամբ, «հարվածներ են գրանցվել դատարկ առևտրային օբյեկտին»։ Ռուսական «ChP/Crimea» Տելեգրամ-ալիքը գրել է, որ Ալուշտայում հարվածը հասցվել է Սեմիդվորյա շրջանի առողջարանին, որը վերակառուցման փուլում է։
Պայթյունների ձայներ են լսվել նաև Սակիում, Յալթայում, Ջանկոյում և Եվպատորիայում։
Ռուսաստանի ՊՆ-ն մայիսի 24-ի առավոտյան հայտնել է Ղրիմում երեք ATACMS հրթիռների, Բելգորոդի շրջանում երկու անօդաչու թռչող սարքերի և Ղրիմի թերակղզու ուղղությամբ շարժվող երեք անօդաչուների ոչնչացման մասին։
Ուկրաինան չի մեկնաբանել այս լուրերը։
