26.06.2024 | 00:34
Մեզ համար Հայաստանի դիրքը շատ կարևոր է, այն Եվրոպայի և Արևելքի միջև է. Հնդկաստանի ԱԳ նախարար
Հունաստանի ՊՆ ղեկավարը հայտարարել է, որ Թուրքիան գոյաբանական սպառնալիք է Աթենքի համար
Քաղաքականություն
23.05.2024 | 22:22
Հունաստանի պաշտպանության նախարար Նիկոս Դենդիասը խորհրդարանում ունեցած ելույթում երկրի նկատմամբ Թուրքիայի երկարաժամկետ վերաբերմունքը որակել է որպես գոյաբանական սպառնալիք, փոխանցում է ekathimerini-ն։
«Երբ կա հարևան երկիր, որը վիճարկում է ինքնիշխան կարգավիճակը, ոչ միայն ինքնիշխան իրավունքները, և միջազգային պայմանագրերը, որոնք վերաբերում են փոքրամասնություններին, սա ակնհայտորեն գոյաբանական սպառնալիք է: Վտանգված են նաև մեր երկրի իրավական և աշխարհագրական սահմանները»,- ասել է նա։
Ըստ Դենդիասի՝ պետք է պատրաստ լինեն դրան, թեև ողջունում են վերջին շրջանում հարևան Թուրքիայի հետ շփման մեջ ներկայում տիրող «ցածր տոնայնությունը և ավելի լավ կլիման»։
