07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Սենթ Օլբանսը բրիտանական առաջին քաղաքը կդառնա, որտեղ մինչև 14 տարեկան երեխաները չեն ունենա սմարթֆոններ
Քաղաքականություն
23.05.2024 | 22:37
Սենթ Օլբանսը փորձում է դառնալ բրիտանական առաջին քաղաքը, որտեղ 14 տարեկանից փոքր երեխաների համար սմարթֆոնները կարգելվեն, գրում The Telegraph-ը։
Հերթֆորդշիր քաղաքի Ուսուցիչների կոնսորցիումը նամակ է գրել ծնողներին՝ խնդրելով հետաձգել իրենց երեխաների համար բարձր տեխնոլոգիական սարքեր գնելը՝ նրանց հոգեկան առողջությանը և ակադեմիական հաջողություններին վնաս հասցնելու մտահոգությունների պատճառով:
«Մենք կոչ ենք անում բոլոր ծնողներին հետաձգել իրենց երեխաներին սմարթֆոն տրամադրելը՝ մինչև նրանց 14 տարեկան դառնալը, փոխարենը, անհրաժեշտության դեպքում, ընտրելով հաղորդագրությունների/զանգերի այլընտրանքը»,- ասվում է Կոնսորցիումի նամակում, որը ներառում է քաղաքի 24 հիմնական դպրոցներից 20-ը։
Նշվում է, որ որպես ուսուցիչներ՝ «պարտավորվել են խթանել առանց սմարթֆոնների դպրոցները»։
Այս քայլը հետևում է բազմաթիվ ուսումնասիրություններին, որոնք ցույց են տալիս, որ բջջային հեռախոս չունեցող աշակերտները դպրոցում ավելի բարձր առաջադիմություն են ցուցաբերում նրանց համեմատությամբ, ովքեր ունեն բջջային հեռախոսներ:
Նամակը հետևում է «Մանկություն առանց սմարթֆոնների» ավելի ու ավելի տարածվող արշավին, որը մարտահրավեր է նետում այս սարքերին ուսուցիչների և ծնողների վերաբերմունքին։
