23.11.2024 | 15:05
Դոնալդ Թրամփը հայտարարել է ԱՄՆ-ի ֆինանսների նախարարի պաշտոնի հավանական թեկնածուին
Ռուսները զրկվել են կրծքագեղձի քաղցկեղի բուժման արևմտյան դեղամիջոցներից
Քաղաքականություն
22.05.2024 | 21:58
ՌԴ իշխանությունները դադարեցրել են կրծքագեղձի քաղցկեղի բուժման համար նախատեսված երկու դեղամիջոցի գնումը, որոնք տրամադրվում էին պարտադիր բժշկական ապահովագրության շրջանակում։ 2024 թվականից ի վեր բժշկական հաստատությունները չեն ստացել ամերիկյան «Աբրաքսան» և շվեյցարական «Պիկրեյ», «Իզվեստիային» հայտնել են բուժող բժիշկները։
Ուռուցքաբանական խնդիրների համար նախատեսված «Աբրաքսան»-ն (paclitaxel + albumin) արտադրվում է ամերիկյան Bristol Myers Squibb-ի (BMS) կողմից: Այն օգտագործվում է կրծքագեղձի քաղցկեղով հիվանդների բուժման համար, իսկ ենթաստամոքսային գեղձի քաղցկեղի դեպքում այն դառնում է քիմիաթերապիայի երկու ուղղություններից մեկի կարևոր բաղադրիչը, ասել է «EuroOnco» Ուռուցքաբանության փորձագիտական դաշնային ցանցի գիտական աշխատանքների գծով գլխավոր տնօրենի տեղակալ Դենիս Ռոմանովը:
Շվեյցարական Novatris ընկերության «Պիկրեյ» դեղամիջոցն էլ նշանակվում է հորմոնից կախված կրծքագեղձի քաղցկեղով հիվանդներին՝ PIK3CA գենի մուտացիայով: Այս մուտացիայի դեպքում հիվանդությունն ավելի ծանր ընթացք է ունենում, նշել է Ռոմանովը։ Նրա խոսքով՝ դա բացասաբար է անդրադառնում քիմիաթերապիայի, հորմոնալ և ճառագայթային թերապիայի արդյունավետության վրա։
Դեղորայքի պետական ռեգիստրի տվյալներով՝ այս դեղամիջոցները Ռուսաստանում համարժեքը չունեն:
«Ըստ էության, մեր զինանոցը դատարկվում է PIK3CA-ի մուտացիայի ենթարկված կրծքագեղձի քաղցկեղի բուժման մեկ տողով: Իսկ բուժումը զգալիորեն ավելի վատ է, երբ խոսքը վերաբերում է ենթաստամոքսային գեղձի քաղցկեղին»,- նշել է Դենիս Ռոմանովը:
