14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Իսրայելի ցամաքային օպերացիայի պատճառով ավելի քան 800 հազար պաղեստինցի է փախել Ռաֆահից
Քաղաքականություն
21.05.2024 | 23:17
ՄԱԿ-ի բարձրաստիճան պաշտոնյան հայտարարել է, որ ավելի քան 800,000 պաղեստինցիներ փախուստի են դիմել Գազայի հատվածի հարավային Ռաֆահ քաղաքից երկու շաբաթ առաջ Իսրայելի ցամաքային օպերացիայի սկսվելուց հետո, փոխանցում է VOA-ն:
«Ռաֆահում երբեմնի գերբնակեցված փախստականների ճամբարներն ու ապաստարաններն այժմ գործնականում դատարկ են: Տեղահանվածների մեծ մասը ապաստան է փնտրում Խան Յունիսում և Դեյր էլ-Բալահում»,- ասել է մարդասիրական հարցերի համակարգման գրասենյակի գործառնությունների տնօրեն Էդեն Վոսորնուն՝ ելույթ ունենալով ՄԱԿ-ի Անվտանգության խորհրդի նիստում:
Նրա խոսքով՝ պայմաններն այն վայրերում, որտեղ նրանք ժամանում են, «սարսափելի» են՝ զուգարանների, մաքուր ջրի, սանիտարահիգիենիկ պայմանների և ծածկի բացակայության հետ կապված խնդիրներով:
«Այս ծանր պայմանները լուրջ կասկածներ են հարուցում հիմնական պարտավորությունների կատարման վերաբերյալ»,- ասել է Վոսորնուն:
Նա հայտարարել է, որ ՄԱԿ-ը և կազմակերպության գործընկերները դժվարությունների են բախվում տեղահանվածներին օգնություն տրամադրելու հարցում, քանի որ նրանք չեն կարողանում անհրաժեշտ մասշտաբով բեռներ մատակարարել Գազա:
