25.04.2026 | 19:00
Գուցե կան տողատակեր, որոնցից տեղյակ չենք, բայց չենք կարող Ցեղասպանության վրա խաչ քաշել. Արա Գևորգյան
Արեգնազ Մանուկյանը չունի անշարժ գույք, բանկային ավանդ ու վարկ․ ինչ է հայտարարագրել պատգամավորը
15.05.2024 | 20:20
Ազգային ժողովի «Հայաստան» խմբակցության պատգամավոր Արեգնազ Մանուկյանը չունի որևէ անշարժ գույք, թանկարժեք իր, բանկային ավանդ, և անգամ՝ վարկ։
Կոռուպցիայի կանխարգելման հանձնաժողով պատգամավորի ներկայացրած 2023 թ-ի գույքի և եկամուտների հայտարարագրից տեղեկանում ենք, որ նա 2021 թ-ին գնել է HYUNDAI մակնիշի ավտոմեքենա։ 2023-ի տարեվերջին Մանուկյանի բանկային հաշիվներին եղել է 74 դոլար և 2․9 մլն դրամ, իսկ կանխիկ ունեցել է 10 հազար դոլար։ Որպես եկամուտ Մանուկյանը հայտարարագրել է միայն Ազգային Ժողովից ստացած աշխատավարձը՝ 9․6 մլն դրամ։
Պատգամավորի ամուսինը՝ Էդվարդ Մուրադյանը, որ ՀՀ քաղաքացի չէ, 2023թ-ի հայտարարագիր դեռևս չի ներկայացրել։ 2022 թ-ի դրությամբ, ըստ այդ տարվա հայտարարագրի, նա նույնպես չի ունեցել որևէ գույք, այդ թվում՝ շարժական։ Մուրադյանն «Արմենիա» ՀԸ-ում համակարգչային մոնտաժող է և 2022-ին ստացել է մոտ 3 մլն դրամ աշխատավարձ։
Գայանե Խաչատրյան
