24.04.2026 | 20:14
Ինչ իրավիճակ է ճանապարհներին
Ռուս սահմանապահները հեռանում են Ներքին Հանդից․ համայնքապետ
13.05.2024 | 17:04
Երեկ նկատել են, թե ինչպես են ռուս սահմանապահները սկսել հավաքել իրենց հենակետերը։ Այս մասին Factor.am-ի հետ զրույցում ասաց Ներքին Հանդի գյուղապետ Խաչատուր Բաղդասարյանը՝ նշելով, որ ռուսական ուժերը, հավանաբար, հեռանում են։
Գյուղապետի փոխանցմամբ՝ սահմանապահաները գյուղից հինգ կիլոմետր հեռավարության վրա են, ինչի պատճառով էլ իրավիճակն ամբողջությամբ իրեն հայտնի չէ։ Խաչատուր Բաղդասարյանից հետաքրքրվեցինք, թե արդյո՞ք առավել ապահով չէր, երբ ռուսներն այնտեղ էին տեղակայված։ «Իրենց գոյության մասին չգիտեինք, ոչ մի բան չէին անում, անվտանգություն չէին ապահովում»,-
ասաց գյուղապետը։
Հիշեցնենք՝ Հայաստանի մի շարք մարզերից ռուսաստանցի զինվորականների և սահմանապահների դուրսբերումը համաձայնեցվել Է մայիսի 8-ին Մոսկվայում Հայաստանի ու Ռուսաստանի ղեկավարների հանդիպման ընթացքում։ Ըստ ռուսական կողմի՝ «Երևանի խնդրանքով ռուս սահմանապահները կշարունակեն մնալ հայ – թուրքական և հայ – իրանական սահմանին»։
Հայաստանի իշխող «Քաղաքացիական պայմանագիր» խմբակցության քարտուղարը հստակեցրել էր, որ ռուս սահմանապահները դուրս կգան Գեղարքունիքի, Սյունիքի, Տավուշի, Արարատի և Վայոց Ձորի մարզերից, ինչպես նաև՝ «Զվարթնոց» օդանավակայանից։
Նիկոլ Փաշինյանը Factor.am-ի հարցին ի պատասխան հայտնել էր, որ օգոստոսի 1-ին ռուսները դուրս կգան Զվարթնոց» օդանավակայանից։
Նարեկ Կիրակոսյան
