23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Հայաստանը փախստականի կարգավիճակ է տվել բելառուս Յարոսլավ Նովիկովին
Հասարակություն
08.05.2024 | 13:14
Հայաստանը փախստականի կարգավիճակ է տվել Բելառուսի 24-ամյա քաղաքացի Յարոսլավ Նովիկովին։ Տեղեկությունը Factor.am-ի հետ զրույցում հաստատեց նրա փաստաբան Արայիկ Պապիկյանը։
Յարոսլավ Նովիկովը պաշտոնական Երևանից քաղաքական ապաստան էր խնդրել այն բանից հետո, երբ փետրվարի 2-ին Բելառուսի գլխավոր դատախազության պահանջով նրան ձերբակալել էին Հայաստանում։ Նովիկովը, ըստ փաստաբան Արայիկ Պապիկյանի, Բելառուսին արտահանձնվելու դեպքում կկանգներ դատարանի առաջ։
Ամռանը Նովիկովի նկատմամբ Բելառուսում քրեական գործ էր հարուցվել զինվորական ծառայությունից խուսափելու համար (քրեական օրենսգրքի 435-րդ հոդվածի 1-ին մաս): Նախորդ տարվա սեպտեմբերին նրա նկատմամբ միջազգային հետախուզում էր հայտարարվել։
Այսօր հայաստանյան քրեակատարողական հիմնարկներում Բելառուսի 3 քաղաքացի կա։ Նրանցից Մաքսիմ Վաիտկիավիչուսը դեռևս մարտին դիմել է Միգրացիայի և քաղաքացիության ծառայություն՝ քաղաքական ապաստան հայցելով։
Խոշտանգման վտանգ՝ ՀՀ-ից արտահանձնման դեպքում. բելառուսցին քաղաքական ապաստան է հայցում. ՏԵՍԱՆՅՈՒԹ
Անժելա Պողոսյան
