07.11.2026 | 11:11
Նավթի գները նվազել են
Ստամբուլում մայիսմեկյան ցույցը վերածվել է ցուցարարների ու ոստիկանների միջև բախումների․ ԼՈՒՍԱՆԿԱՐՆԵՐ
Քաղաքականություն
01.05.2024 | 16:45
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Ստամբուլում արհմիությունների և քաղաքական կուսակցությունների ներկայացուցիչները վաղ առավոտից հավաքվել են Սարաչհանեում՝ Աշխատանքի և համերաշխության օրվա կապակցությամբ դեպի Թաքսիմ անցկացնելու։ Ստամբուլի նահանգապետի որոշմամբ, սակայն, ակցիան արգելվել է, Թաքսիմի հրապարակ տանող բոլոր ճանապարհները ոստիկանության ուժերի հսկողության ներքո են։
Թուրքական լրատվամիջոցների հաղորդմամբ՝ առավոտյան ժամերից շրջափակված Սարաչհանե մտնել ցանկացողները խուզարկության են ենթարկվել։ Հազարավոր մարդիկ հավաքվել ու տարբեր կարգախոսներ են հնչեցրել։ Ակցիայի վայրում են եղել նաև ընդդիմադիր Ժողովրդահանրապետական կուսակցության նախագահ Օզգյուր Օզելը և Ստամբուլի քաղաքապետ Էքրեմ Իմամօղլուն։
Մարդիկ սկսել են վանկարկել՝ «Աշխատավորները կհաղթեն կապիտալին»։ Երթը մեկնարկել է «Ամենուր Թաքսիմ է, ամենուր՝ դիմադրություն» կարգախոսներով։ Ոստիկանները թույլ չեն տվել երթի մասնակիցներին առաջ շարժվել։ Բանակցություններ են ընթացել ոստիկանների հետ՝ բարիկադները բացելու համար։ Երբ դրանք արդյունք չեն տվել, ոստիկաններն արցունքաբեր գազ են կիրառել ցուցարարների նկատմամբ։ Դրանից հետո ակցիայի մասնակիցները կրկին շարժվել են դեպի բարիկադները։ Իրավապահները երկրորդ անգամ են արցունքաբեր գազ կիրառել։
Մինչ այդ, ոստիկանությունը սկսել է ձերբակալել երթի մասնակիցներին։ Հաղորդվում է մի քանի տասնյակ մարդու ձերբակալության մասին։
Էմմա Չոբանյան
