30.03.2025 | 19:45
Կրիմինալի հետ ասոցացվող տարածքներում առավոտյան բարձր ակտիվություն է նկատվել. Իոաննիսյան․ ՏԵՍԱՆՅՈՒԹ
«Ոչ մի լուրջ բան տեղի չի ունեցել»․ 140 դպրոցում երեխայի նկատմամբ բռնության ահազանգի հետքերով
Հասարակություն
29.04.2024 | 17:46
Այսօր samshyan.com-ը գրել էր, թե Երևանի բնակիչ Կարինե Բրեյանից ահազանգ է ստացել, որ Երևանի 140 հիմնական դպրոցում դասղեկը հարվածներ է հասցրել իր քրոջ երեխային։ Կրթության, գիտության, մշակույթի և սպորտի նախարարությունից Factor.am-ին հայտնեցին, որ ուսումասիրում են լրատվամիջոցում նշված ահազանգը։
Մենք այցելեցինք 140 դպրոց` իրավիճակը հասկանալ համար։ Դպրոցի անվտանգության աշխատակիցը մեզ փոխանցեց, որ տնօրենը զբաղված է. քննարկում են դպրոցի շուրջ ստեղծված իրավիճակը և չի կարող մեզ հետ խոսել։
Ավելի ուշ Երևանի քաղաքապետարանի հանրակրթության վարչության պետ Մարգարիտա Խաչատրյանը Factor.am-ին փոխանցեց, որ հանրակրթության վարչության աշխատակիցների, ծնողների, ուսուցչի և տնօրինության մասնակցությամբ համատեղ աշխատանքային քննարկում է տեղի ունեցել, որի արդյունքում միջադեպը հարթվել է։
«Իրականում ոչ մի լուրջ բան տեղի չի ունեցել։ Հաշվի առնելով, որ խոսքը վերաբերում է երկրորդ դասարանի երեխաներին, թույլ տվեք զերծ մնալ մեկնաբանությունից` ինչ է տեղի ունեցել։ Համենայն դեպս նյութերից մեկում նկարագրված դեպքերը և խոսակցությունները չեն համապատասխանում իրականությանը»,-ասաց Երևանի քաղաքապետարանի հանրակրթության վարչության պետը։
Անի Թամրազյան
