25.10.2026 | 23:35
Նախնական արդյունքները՝ Գեղարքունիքի մարզի երեք համայնքներից
Որպես որդի և ընկեր կորցրած մարդ` կողմ եմ խաղաղությանը, բայց ոչ այս գնով. Դավիթ Ամալյան․ՏԵՍԱՆՅՈՒԹ
Քաղաքականություն
27.04.2024 | 19:00
«Ամբողջ Արցախը տվել ենք Ադրբեջանին, չենք զարմանում, Տավուշի գյուղերի համա՞ր ենք զարմանում: Այս իրավիճակում ո´չ տվողի, ո´չ վերցնողի ախորժակը չի փակվում: Դե եթե Ադրբեջանը պատրաստ է մեր ձեռքը սեղմելու, թող մեր գերիներին վերադարձնի»,-Factor TV-ի հետ զրույցում նշում է երգիչ, ՀՀ վաստակավոր արտիստ Դավիթ Ամալյանը`անդրադառնալով Տավուշում սահմանազատմամբ պայմանավորված լարված դրությանը:
Երգիչը շեշտում է` ինքը կողմ է խաղաղությանը և իր համար դրանից ավելի մեծ երազանք գոյություն չունի. «Որպես որդի և ընկեր կորցրած մարդ` կողմ եմ խաղաղությանը, բայց ո՛չ այս գնով: Ամեն խփվող տղայի հետ որդիս մի անգամ էլ է զոհվում, ես ուզում եմ, որ այս ամենը վերջանա, բայց ո՛չ նվաստացման գնով»:
Դավիթ Ամալյանը խոսում է նաև Տավուշ այցելած իր ընկերների հանդեպ սոցցանցերում ձևավորված ատելության մթնոլորտի մասին. «Մրոն գնաց Տավուշ, հարցազրույց տվեց, նայում եմ` ինչ մեկնաբանություն ասես` չեն գրել, այդ տղային ինչո՞ւ եք հայհոյում, նա ձեզ ի՞նչ է արել, հերի´ք է փիսիկի նման տանը նստեք ու հայհոյեք»:
Մանրամասները`տեսանյութում:
Աննա Բաբաջանյան
