16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ԱՄՆ-ը, Մեծ Բրիտանիան և Կանադան ընդլայնել են Իրանի դեմ պատժամիջոցները
Քաղաքականություն
26.04.2024 | 12:50
Իսրայելի վրա Իրանի հրթիռային հարձակմանն ի պատասխան՝ ԱՄՆ-ը, Մեծ Բրիտանիան և Կանադան ապրիլի 25-ին նոր պատժամիջոցներ են սահմանել Թեհրանի դեմ։ Սահմանափակող միջոցառումներն ուղղված են առաջին հերթին անօդաչու թռչող սարքերի առևտրի և դրանց արտադրության դեմ, գրում է DW-ի ռուսական ծառայությունը։
Հայտարարության մեջ ԱՄՆ Ֆինանսների նախարարությունը նշել է, որ Թեհրանին անօդաչու թռչող սարքերի գնման աջակցության հետ կապված 16 ընկերություն, ութ ֆիզիկական անձ, հինգ նավ և մեկ ինքնաթիռ ենթարկվել է պատժամիջոցների։
Մեծ Բրիտանիայի ԱԳՆ-ի հաղորդագրության համաձայն էլ՝ իրանական անօդաչու թռչող սարքերի արտադրության մեջ ներգրավվածության համար պատժամիջոցների են ենթարկվել չորս ընկերություններ և երկու անձինք: Բացի այդ, լրացուցիչ արգելք է սահմանվել այն բաղադրիչների արտահանման համար, որոնք կարող են օգտագործվել անօդաչու սարքեր ստեղծելու համար։
«Մենք պատասխանատվության կենթարկենք Իրանի ապակայունացնող պահվածքի պատասխանատուներին»,- ասել է Մեծ Բրիտանիայի արտաքին գործերի նախարար Դևիդ Քեմերոնը:
Միաժամանակ, կանադական տույժերի են ենթարկվել երկու ֆիզիկական և երկու իրավաբանական անձինք: Օտտավան պարզաբանել է, որ պատժամիջոցները սահմանվել են G7-ի դաշնակիցների հետ համաձայնեցմամբ։
