06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Վահագն Չախալյանի խափանման միջոցը փոխվել է. փաստաբան
Հասարակություն
19.05.2024 | 13:47
«Կամք» նախաձեռնության ղեկավար Վահագն Չախալյանին ազատության մեջ է։ Այս մասին իր ֆեյսբուքյան էջում գրել է փաստաբան Վահան Հովհաննիսյանը։
«Քննիչի միջնորդությունը մասնակի բավարարվեց, կիրառվեց այլընտրանքային խափանման միջոց»,- գրել է նա։
Փաստաբանը հայտնել է նաև, որ որոշումը բողոքարկվելու է ՀՀ վերաքննիչ քրեական դատարան:
Հիշեցնենք, որ երեկ Վահագն Չախալյանին կալանավորելու միջնորդություն էր ներկայացվել դատարան։
Չախալյանն ու 4 այլ անձինք ձերբակալվել են մայիսի 16-ին կառավարության շենքի մոտ իրականացրած բողոքի ակցիայի ժամանակ խուլիգանություն կատարելու հիմքով։ Ըստ ՀՀ քննչական կոմիտեի` Վահագն Չախալյանը չի համաձայնել բողոքի ակցիան տվյալ տարածքում անցկացնելու վերաբերյալ քաղաքացիներից մեկի արտահայտած տեսակետին ու վիճաբանել վերջինիս հետ։
Քննչական կոմիտեից հայտնեցին, որ Չախալյանի նկատմամբ որպես խափանման միջւոց է ընտրվել տնային կալանքը՝ 2 ամիս ժամկետով։
Միջադեպի ընթացքում ձերբակալված մյուս 4 անձինք ազատ են արձակվել արգելանքից՝ դրա անհրաժեշտությունը վերանալու հիմքով։
