13.12.2024 | 14:22
Պեսկովը հայտնել է, որ Պուտինի և Փաշինյանի հանդիպում Մոսկվայում չի նախատեսվում
Մարտահրավերներով լի ժամանակաշրջանում առավել, քան կարևոր է համախոհ գործընկերների հետ կապերի խորացումը. Միրզոյան
Քաղաքականություն
18.05.2024 | 18:24
Տարածաշրջանային հարցեր, Եվրոպայի խորհրդի աշխարհագրական գոտում, այդ թվում՝ Հարավային Կովկասում, զարգացումներ, ՀՀ-ԵՄ ամուր գործընկերության օրակարգ և հարաբերությունները խորացնելու ուղիների շուրջ քննարկումներ. թեմաների լայն շրջանակ, որոնք արծարծվել են ԵԽ նախարարական համաժողովի շրջանակներում նախարար Միրզոյանի շփումների ժամանակ:
ԱԳՆ-ից տեղեկացնում են, որ դրանք ներառել են շփումներ նաև Հյուսիսային Մակեդոնիայի ԱԳ նախարար Բույար Օսմանիի, Սլովենիայի ԱԳ նախարար Տանյա Ֆայոնի, Անդորրայի ԱԳ նախարար Իմա Տոր Ֆաուսի, Չեխիայի, Իռլանդիայի գործընկերների հետ:
«Ներկայիս՝ մարտահրավերներով լի ժամանակաշրջանում առավել, քան կարևոր է համախոհ գործընկերների հետ կապերի խորացումը, ամուր կամուրջների կառուցումը: Եվրոպայի խորհուրդը և միջազգային իրավունքի հիմնարար սկզբունքների ու մարդու իրավունքների հարգման հիման վրա ստեղծված միջազգային կառույցներն այն հարթակներն են, որտեղ մենք մեկտեղում ենք ջանքերը՝ մեր քաղաքացիների համար ավելի ապահով ու անվտանգ միջավայր ապահովելու նպատակով»,- ասել է ՀՀ ԱԳ նախարարը:
