08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Թուրք պատգամավորը հայտարարել է, թե ԱՄՆ-ը, Ֆրանսիան ու ԵՄ-ն Բաքվի և Անկարայի նկատմամբ երկակի ստանդարտներ են կիրառում
Քաղաքականություն
25.04.2024 | 22:48
Ղարաբաղյան խնդրի կարգավորումը թեև ուրախացնում է Թուրքիային ու Ադրբեջանին, մյուս կողմից՝ անհանգստացնում է Ֆրանսիային, Եվրամիության որոշ երկրներին, ԱՄՆ-ին։ Այս մասին ադրբեջանական լրատվամիջոցներին ասել է Թուրքիայի Ազգային մեծ ժողովի արտաքին հարաբերությունների հանձնաժողովի նախագահ, Թուրքիայի նախկին փոխնախագահ Ֆուաթ Օքթայը։
Նա նշել է, թե Թուրքիան ու Ադրբեջանն այսօր տառապում են երկակի ստանդարտներից։
«Թուրքիայի հզորությունն աշխարհում օրեցօր մեծանում է, նրա քաղաքականությունը հաջողություն է ունենում։ Մենք տեսնում ենք, որ Թուրքիայի նախագահ Ռեջեփ Թայիփ Էրդողանի հաջող քաղաքականությունը չափազանց կարևոր է։ Իհարկե, սա շատերին է անհանգստացնում։ Ղարաբաղյան խնդրի կարգավորումը թեև ուրախացնում է Թուրքիային ու Ադրբեջանին, մյուս կողմից՝ անհանգստացնում է Ֆրանսիային, Եվրամիության որոշ երկրներին, ԱՄՆ-ին։ Բայց այս հարցում անհանգստանալու ոչինչ չկա։ Հակառակը, դուք պետք է երջանիկ լինեք, որովհետև Հայաստանն իր էներգիան պետք է ուղղի իր տնտեսական զարգացմանը»,- ասել է Օքթայը։
Նա ասել է, որ Թուրքիան այս առումով խնդիրներ ունի մի շարք ոլորտներում։
«Եվրամիության դեպքում մեր խնդիրը կապված է մարդու իրավունքների հետ։ Օրինակ՝ երկակի ստանդարտ է, երբ Գազայի հատվածում 34 հազար մարդու սպանության վրա աչք փակողներն ու նրանց զենք մատակարարողները խոսում են մարդու իրավունքների մասին։ Իհարկե, խնդիրներ միշտ էլ լինում է»,- հավելել է թուրք պատգամավորը։
