15.12.2025 | 17:35
ԿԳՄՍՆ ենթակայության 18 մասնաճյուղ-թանգարաններ կմիանան Էլեկտրոնային տոմսերի միասնական ավտոմատացված համակարգին
Ցուցարարները փակել են Երևան-Սևան մայրուղին Սևանի թերակղզու հատվածում
Հասարակություն
23.04.2024 | 13:40
Այսօր մի խումբ քաղաքացիներ փակել են Երևան-Սևան մայրուղին՝ բողոքելով սահմանազատման աշխատանքներից, որոնց արդյունքում 4 գյուղերը անցնում են Ադրբեջանական վերահսկողության տակ։ Ակցիայի մասնակիցները պնդում են, որ սա միակողմանի զիջում է ՀՀ-ի կողմից։
«Մեր ակցիան շարունակվելու է, մենք թույլ չենք տալու հանձնեն մեր հողերը։ Սա քաղաքական, կուսակցական պայքար չէ, պետք չէ քաղաքականացնել։ Մենք պայքարում ենք մեր հողերը Ադրբեջանին չտալու համար»,- նշեց ակցիայի մասնակիցներից մեկը։
Նա առաջարկեց հավաքվածներին բացել մայրուղին ու շարժվել դեպի Երևանի կենտրոն՝ մասնակցելու ջահերով երթին։ Այս պահին մայրուղին դեռևս շարունակվում է փակ մնալ։
Հիշեցնենք, որ վերջին օրերին բողոքի ակցիաներ են տեղի ունենում նաև Տավուշի մարզի Ոսկեպար գյուղի հատվածում և Նոյեմբերյան համայնքում։ Այսօր ևս Տավուշի մարզի այս հատվածներում բողոքի ակցիաները շարունակվում են։
Թարմացում․ Երևան-Սևան մայրուղին մոտ 40 րոպե փակ մնալուց հետո բացվեց։
