ՌԴ-ի ներխուժումն Ուկրաինա մարդու իրավունքների գլոբալ խնդիր է ստեղծում. ԱՄՆ Պետքարտուղարություն

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

ԱՄՆ Պետքարտուղարությունն ամբողջ աշխարհում մարդու իրավունքների իրավիճակի վերաբերյալ ամենամյա զեկույց է հրապարակել՝ ընդգծելով Ռուսաստանի ներխուժումն Ուկրաինա, քաղաքացիական պատերազմը Սուդանում ու Իսրայելի և ՀԱՄԱՍ-ի միջև պատերազմը որպես մարդու իրավունքների գլոբալ հիմնական խնդիրներից մի քանիսը, փոխանցում է VOA-ն:

«Այս զեկույցը կազմելիս մենք հիմնվել ենք մի շարք վստահելի, փաստերի վրա հիմնված աղբյուրների վրա, ներառյալ՝ պետական մարմինների, ոչ կառավարական կազմակերպությունների և ԶԼՄ-ների զեկույցները»,- ասել է պետքարտուղար Էնթոնի Բլինքենը:

Զեկույցի առաջաբանում Բլինքենը Ռուսաստանի ներխուժումն Ուկրաինա անվանել է մարդու իրավունքների լուրջ խախտում։

«Կրեմլի կողմից լիովին դրսևորվել են մարդու իրավունքների արհամարհումն ու անտեսումը»,- ասել է նա՝ քաղաքացիական բնակչության նկատմամբ բռնության կիրառումն անվանելով «պատերազմի գործիք»:

Նա նաև նշել է Սուդանի քաղաքացիական պատերազմը որպես զգալի սպառնալիք մարդու իրավունքների համար՝ հավելելով, որ հակամարտության երկու կողմերն էլ «սանձազերծել են սարսափելի բռնություն, մահ և ավերածություններ»:

Իսրայելի և ՀԱՄԱՍ-ի միջև հակամարտությունը նույնպես «մարդու իրավունքների խորը մտահոգություններ է առաջացնում», ասել է Բլինքենը: ԱՄՆ պետքարտուղարը հավելել է, որ Վաշինգտոնը դատապարտում է հոկտեմբերի 7-ին ՀԱՄԱՍ-ի ահաբեկչական հարձակումները, միևնույն ժամանակ, սակայն, կոչ է անում Իսրայելին նվազագույնի հասցնել խաղաղ բնակչությանը հասցվող վնասն իր պատասխանում։

Բլինքենը նաև իրանական իշխանությունների կողմից իր քաղաքացիների, հատկապես՝ կանանց նկատմամբ ճնշումներն անվանել է մարդու իրավունքների սպառնալիք: Նա հավելել է, որ զեկույցը կենտրոնացած է Աֆղանստանում թալիբների իշխանության ներքո կանանց իրավունքների ճնշման, Չինաստանի վերաբերմունքի վրա՝ հիմնականում մահմեդական ույղուր բնակչության նկատմամբ և Կուբայում քաղբանտարկյալների նկատմամբ վատ վերաբերմունքի ուղղությամբ։

Չնայած մարդու իրավունքների այս խախտումներին՝ «զեկույցում կան նաև որոշ հուսադրող միտումներ», ասել է ամերիկյան դիվանագիտության ղեկավարը:

Բլինքենը նշել է առաջընթացը Քենիայում, Ճապոնիայում, Էստոնիայում և Սլովենիայում՝ ԼԳԲՏՔ+ համայնքի ներկայացուցիչների իրավունքների առաջխաղացման հարցում, ինչպես նաև հաշմանդամություն ունեցող անձանց իրավունքների վերաբերյալ Հորդանանում գրանցված առաջընթացը: Նա նաև նշել է Մեքսիկայի առաջընթացը աշխատանքային օրենսդրության բարեփոխումների իրականացման գործում՝ ուղղված աշխատանքային պայմանների բարելավմանը։