30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Պաղեստինի ԱՆ տվյալներով՝ Գազայի հատվածում զոհերի թիվը գերազանցել է 35,3 հազարը
Քաղաքականություն
17.05.2024 | 21:42
Գազայի հատվածում իսրայելական ուժերի կողմից անցած տարվա հոկտեմբերի սկզբից իրականացված ռազմական գործողության հետևանքով ավելի քան 35,3 հազար մարդ է զոհվել։ Այս տվյալները ներկայացրել է Պաղեստինի Առողջապահության նախարարությունը, փոխանցում է ՌԻԱ Նովոստին։
«Գազայում իսրայելական ագրեսիայի զոհերի թիվը հասել է 35,303-ի։ Նույն ժամանակահատվածում տուժել է 79,261 մարդ»,- ասվում է Առողջապահության նախարարության զեկույցում։
Նախարարության տվյալներով՝ վերջին 24 ժամվա ընթացքում 31 պաղեստինցի է զոհվել, 56-ը՝ վիրավորվել Գազայի հատվածի տարբեր շրջաններում իսրայելական ուժերի ռմբակոծությունների ու գնդակոծությունների ժամանակ։
Իրավիճակը Մերձավոր Արևելքում կտրուկ վատթարացել է 2023 թվականի հոկտեմբերի 7-ին Գազայի հատվածից Իսրայելի տարածք ՀԱՄԱՍ-ի զինյալների ներթափանցումից հետո, որն ուղեկցվեց սահմանամերձ բնակավայրերի բնակիչների սպանությամբ և ավելի քան 240 մարդու պատանդառությամբ։ Ի պատասխան՝ Իսրայելը ռազմական գործողություն սկսեց Գազայում՝ նպատակ ունենալով ոչնչացնել ՀԱՄԱՍ-ի ռազմաքաղաքական կառույցը և ազատ արձակել բոլոր առևանգվածներին։
