09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
ՌԴ ռազմական դատարանները մարտին շուրջ 700 դատավճիռ են կայացրել «ծառայությունից փախչելու» գործերով
Քաղաքականություն
12.04.2024 | 18:51
2024 թվականի մարտին Ռուսաստանի ռազմական դատարանները 684 դատավճիռ են կայացրել հարկադիր դասալքության գործերով (Քրեական օրենսգրքի 337-րդ հոդված)։ Սա մոտավորապես 34 վճիռ է յուրաքանչյուր աշխատանքային օրվա համար, պարզել է Mediazona-ն:
Ծառայել չցանկացողների դեմ գործերի թիվը զգալիորեն աճել է 2022 թվականի սեպտեմբերին մոբիլիզացիայի հայտարարումից հետո և շարունակում է աճել։
Ընդհանուր առմամբ, 2024 թվականի սկզբից զինվորական դատարանները ստացել են ծառայությունից փախուստի շուրջ 2,3 հազար գործ, իսկ զորահավաքի սկզբից՝ գրեթե 7,4 հազար գործ։ Դրանց մեծ մասը գտնվում է Մոսկվայի, Սվերդլովսկի և Օրենբուրգի մարզերի դատարաններում։
Դատավորները նախընտրում են պայմանական պատիժներ սահմանել։ Դա արվում է, որպեսզի զորակոչի ենթականերին ուղարկեն պատերազմ, նշում է Mediazona-ն։
