29.04.2026 | 10:05
Հրդեհ Երևանի Տիչինայի փողոցում․ փրկարարները տարհանել են 10 քաղաքացու
20 տարի Լավրովն ու Պուտինը տեսել են պաշտոնյայի տեսակ, որը պատրաստ է հանձնել ժողովրդի շահը․ Ստեփան Գրիգորյան․ ՏԵՍԱՆՅՈՒԹ
Քաղաքականություն
22.08.2018 | 11:37
Հայ-ռուսական հարաբերություններում վերջին շրջանում անհավասար իրավիճակ է, քանի որ Կառավարության և հասարակության մի զգալի մասն այդ հարաբերությունների մասին ունի մեկ այլ կարծիք, իսկ հասարակության առավել նվազ հատվածը, որի կազմում են հիմնականում նախկին իշխանավորները՝ այլ։
«Հետաքրքրական է, որ այդ նվազ հատվածի՝ բևեռի մեծ մասը գտնվում է Ազգային ժողովում և զբաղեցնում է բարձր պաշտոններ։ Մեր դիվանագիտական կորպուսը ևս ամբողջապես թարմացված և փոփոխված չէ, որի հետևանքով աշխարհը լավ չի պատկերացնում, թե ի՞նչ է կատարվել Հայաստանում թավշյա հեղափոխության ժամանակ»,- այսօր «Հայ-ռուսական հարաբերություններ․ նոր հնարավորություններ, թե՞ ճգնաժամ» թեմայով քննարկման ժամանակ ասաց «Գլոբալիզացիայի և տարածաշրջանային համագործակցության վերլուծական կենտրոնի» խորհրդի նախագահ, քաղաքագետ Ստեփան Գրիգորյանը։
Վերջինս նկատեց, որ Ռուսաստանի հետ մենք պետք է աշխատենք և բացատրենք, թե ինչ է իրենց սպասում, ինչ է սպասում նաև մեզ, որպեսզի չստացվի այնպես, որ նրանք տակտիկական հարց լուծեն, որի արդյունքում կարող ենք մենք տուժել։
Խոսելով հայ-ռուսական հարաբերությունների վերջին փուլի մասին՝ Ստեփան Գրիգորյանը նշեց, որ 20 տարի ՌԴ-ն աշխատել է ՀՀ-ի հետ մեկ այլ քաղաքականությամբ, Լավրովն ու Պուտինը 20 տարի տեսել են հայ իշխանավորի՝ անգրագետ, պատրաստ հանձնել հայ ժողովրդի շահերը, իսկ հիմա եկան նոր երիտասարդ ուժեր, որոնք այդ տարբերակով չեն մտածում։ «Նորմալ է, կմարսեն, ժամանակ է պետք տալ»,- ասաց նա։
Մանրամասները՝ տեսանյութում։
