18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Հայաստանում որակապես բոլորովին այլ իրավիճակ է. Ուկրաինայում Հայաստանի դեսպան Անդրանիկ Մանուկյանը հրաժարական է տալիս
Քաղաքականություն
22.08.2018 | 09:29
Ուկրաինայում Հայաստանի դեսպան Անդրանիկ Մանուկյանը հրաժարական է տալիս: Այս մասին նա տեղեկացրել է ֆեյսբուքի իր էջում:
«Ընկերներ, մինչև իմ արձակուրդի ավարտը դեռ մի քանի օր կա: Համեմատաբար հանգիստ ժամանակի ընթացքում ես ավելի համոզվեցի մի կարևոր որոշման մեջ:
Ես որոշել եմ թողնել դիվանագիտական իմ աշխատանքը:
Այս որոշումը վաղուց էր հասունացել ինձ մոտ և մի փոքր գաղտնիք բացեմ. վերջին տարիներին ես մի քանի անգամ դիմել եմ Երևան ինձ հետ կանչելու խնդրանքով, վերջին անգամ այս տարվա մայիսին, բայց ամեն անգամ մերժվել եմ՝ խնդրանքով՝ շարունակել իմ գործունեությունը՝ որպես Ուկրաինայում Հայաստանի դեսպան:
Եվ հարցը նույնիսկ այն չէ, որ ես Ուկրաինայում երկու լիարժեք ժամկետ աշխատել եմ Հայաստանի դեսպանի պաշտոնում և անցել եմ արդեն այս պատասխանատու պաշտոնում բոլոր հնարավոր վերջնաժամկետերը: Հարցն այն է, որ այժմ Հայաստանում որակապես բոլորովին այլ իրավիճակ է, և ես անկեղծորեն հույս ունեմ, որ ժամանակն է երիտասարդներին ճանապարհ տալ՝ աճի և իրացման համար: Հուսով եմ, որ այս անգամ դրական պատասխան կստանամ», – գրել է նա:
Հիշեցնենք, որ Factor.am-ը դեռևս մայիս ամսին «Արտաքին գործերի նախարարությունից մեկնաբանում են 2 տասնյակ դեսպանների հնարավոր փոփոխության մասին տեղեկությունները» վերտառությամբ հրապարակմամբ, իսկ մինչ այդ նաև՝ «Դիվանագիտության արդյունավետության բաձրացման հրամայականն ու բիզնեսմեն դեսպանները» վերնագրով տեսանյութում անդրադարձել էր թեմային:
