16.02.2026 | 20:00
ՔՆՆԱՐԿՈՒՄ․ Փոշի, ծուխ, ծառահատում․ ո՞վ է պատասխանատու Երևանի ծանր շնչառության համար
Անդրանիկ Քոչարյանը թող պատասխան տա՝ երբ է ՀՀ ԶՈՒ-ն զորավարժություններ արել․ Օհանյան․ ՏԵՍԱՆՅՈՒԹ
Քաղաքականություն
08.04.2024 | 16:18
Հայաստանի բանակը զարգացել է իրավիճակին համահունչ, այս մասին Factor.am-ի հետ զրույցում նշեց ԱԺ «Հայաստան» խմբակցության ղեկավարը՝ պատասխանելով ԱԺ պաշտպանության և անվտանգության մշտական հարցերի հանձնաժողովի նախագահ Անդրանիկ Քոչարյանի դիտարկմանը, թե մարդիկ համեմատում են իր ժամանակվա և այսօրվա իշխանությունների կահավորած մարտական դիրքերը։
«Դրան զուգահեռ առաջին գիծը համալրվել է ինժեներական տարբեր կառույցներով՝ տեսադիտարկման գիշերային և ցերակային սարքերով, սպառազինության և ռազմական տեխնիկայի համապատասխան միջոցներով, ընդ որում՝ նաև զուգորդված զորավարժություններով։ Անդրանիկ Քոչարյանը թող պատասխան տա՝ ե՞րբ է վերջին անգամ ՀՀ ԶՈւ-ն խոշոր զորավարժություն անցկացրել և մեր ժողովրդի մտահոգությունները փարատել»,- նշեց նա։
Սեյրան Օհանյանի խոսեց նաև ներկայումս տարվող ինժեներական աշխատանքների մասին։ Նրա գնահատմամբ՝ դրանք որոշ տեղերում որակյալ են, սակայն, ըստ նրա, դա առաջնագծում խնդիրներ կատարելու հետ ոչ մի առնչություն չունի։ Նախկին պաշտպանության նախարարի կարծիքով՝ առաջնագծում այսօր ՀՀ ԶՈՒ-ն ավելի մեծ խնդիր ունի կատարելու։
Նշենք, որ Անդրանիկ Քոչարյանը լրագրողների հետ ճեպազրույում ասել էր․ «Այնքան ուրախացա, որ վերջերս ադրբեջանցիներն ինչ-որ դիրքերից նկարել էին մեր ինժեներական դիրքերը, և ձեր բլոգեր ընկերներից մեկը համեմատական նկարներ էր դրել՝ Սեյրան Օհանյանի ժամանակվա «բանկա-բութուլկեքը» և 2018 թվականից հետո մեր ինժեներական կառույցների տարբերությունը»։
Մանրամասները՝ տեսանյութում։
