25.08.2026 | 19:34
Աննա Գրիգորյանը պատասխանեց Փաշինյանի հայտարարություններին. ՏԵՍԱՆՅՈՒԹ
Ապրիլի 5-ի ՀՀ-ԱՄՆ-ԵՄ հանդիպումը տեղի է ունենալու․ Պետդեպն արձագանքել է Ալիևին
Քաղաքականություն
04.04.2024 | 11:37
Ապրիլի 5-ին Բյուսելում նախատեսված ՀՀ-ԱՄՆ-ԵՄ հանդիպումը տեղի է ունենալու։ Այս մասին ճեպազրույցում հայտարարել է ԱՄՆ Պետքարտուղարության խոսնակ Մեթյու Միլլերը՝ անդրադառնալով դիտարկմանը, թե պետքարտուղար Էնթոնի Բլինքենի և Ադրբեջանի նախագահ Իլհամ Ալիևի հեռախոսազրույցի մասին Բաքվի տարածած հաղորդագրության մեջ ադրբեջանցի ղեկավարն ասում է, որ «եռակողմ հանդիպումը չհետաձգելը՝ չնայած իր հայտնած մտահոգություններին, կհանգեցնի լարվածության սրման, ոչ թե խաղաղության»։
«Հանդիպումը նախատեսված է և դեռ լինելու է»,- ասել է Միլլերը։
Բլինքենի հետ զրույցում Ալիևը դժգոհել էր, որ ապրիլի 5-ին նախատեսված ԱՄՆ-ի, Եվրամիության և Հայաստանի եռակողմ «հանդիպման, իբր, ոչ թափանցիկ նախապատրաստումից, ոչ ներառական բնույթից և նրանից, որ այն չի հետաձգվել՝ չնայած արդարացի մեկնաբանություններին։ Ալիևը նշել էր, թե հանդիպումը կհանգեցնի ոչ թե Հարավային Կովկասում խաղաղության ու համագործակցության, այլ բաժանարար գծերի ստեղծման, իսկ արդյունքում՝ լարվածության»։
