04.04.2026 | 19:00
Ինձ ասում են՝ Աննա Հակոբյանին նկարել եք, իսկ տիկին Բելլայի՞ն, դա ի՞նչ հարց է, շոու մի՛ փնտրեք. Թոքմաջյան. ՏԵՍԱՆՅՈՒԹ
ՔԿ-ն խուզարկում է Ժիրայր Սեֆիլյանի բնակարանում և ԱԺԲ-ի հետ փոխկապակցված 40-ից ավելի հասցեներում
Քաղաքականություն
29.03.2024 | 10:29
Իրավապահները առավոտից խուզարկություն են իրականացնում Ազգային ժողովրդավարական բևեռի ղեկավար կազմի և համակիրների բնակարաններում։ Այս մասին Factor.am-ի հետ զրույցում ասաց ԱԺԲ խոսնակ Հերմինե Մկրտչյանը` նշելով, որ խուզարկություն են իրականացնում Ժիրայր Սեֆիլյանի և Կարո Եղնուկյանի բնակարաններում։
Խուզարկությունն իրականացնում է Քննչական կոմիտեն։ Կառույցից հայտնեցին, որ խուզարկությունն իրականացվում է Նոր Նորքի ոստիկանության բաժնի ահաբեկչության գործով։ Ըստ մամուլի խոսնակ Գոռ Աբրահամյանի, գործընթացն իրականացվում է չորս տասնյակից ավել հասցեներում։
Հիշեցնենք մարտի 28-ին՝ ժամը 17։00-ի սահմաններում, երեք անձ փորձել է ներխուժել ՆԳՆ ոստիկանության Նոր Նորքի բաժնի վարչական շենք, գործադրել են նռնակ, ինչի հետևանքով ներխուժող անձանցից 2–ը վիրավորվել են և տեղափոխվել բուժհաստատություն։ ՆԳՆ-ն հայտնել էր, որ այս քաղաքացիներն ԱԺԲ անդամներ են։
