24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Նոբելյան մրցանակակիրները կոչ են արել Պուտինին չճանաչել ընտրված նախագահ և ավելացնել Ուկրաինային օգնությունը
Քաղաքականություն
27.03.2024 | 20:44
Նոբելյան մրցանակի 39 դափնեկիրներ բաց նամակ են ստորագրել՝ կոչ անելով համաշխարհային առաջնորդներին մեծացնել աջակցությունն Ուկրաինային և չճանաչել Վլադիմիր Պուտինին որպես Ռուսաստանի օրինական ընտրված նախագահ, գրում է BBC-ի ռուսական ծառայույունը։
«Պուտինի ռեժիմը ցույց է տվել, որ իրենց ուղիղ վտանգ է ներկայացնում ամբողջ մարդկությանը»,- ասվում է նամակում։
Նշվում է, որ «Ուկրաինայի դեմ լայնածավալ ագրեսիան և Ալեքսեյ Նավալնիի սպանությունն այս սպառնալիքը բարձրացնում են նոր մակարդակի, քանի որ Պուտինի ռեժիմն այլևս որևէ սահմանափակում չի տեսնում մարդու իրավունքների և միջազգային նորմերի խախտման համար»:
Նամակի հեղինակները պնդում են, որ եթե համաշխարհային առաջնորդները հրաժարվեն Պուտինին վերընտրված նախագահ ճանաչելուց, դա «ուժեղ ազդանշան կուղարկի աշխարհին, որ նա այլևս չի կարող «գործընկեր» համարվել։
Նրանք նաև կոչ են անում զգալի ավելացնել Ուկրաինային օգնությունը, որը «պետք է հաղթի պատերազմում, ոչ թե միայն չպարտվի, ինչպես նաև աջակցել Ռուսաստանում դեմոկրատական ընդդիմությանը, ռուսաստանցիներին, որոնց ապաստան է պետք իրենց հակապատերազմական դիրքորոշման պատճառով և ռուսական դեմոկրատական, հակապուտինյան կազմակերպություններին, այդ թվում՝ անկախ լրատվամիջոցներին։
Նամակը ստորագրողների թվում են գիտնականներ, տնտեսագետներ և գրողներ, այդ թվում՝ բելառուս գրող Սվետլանա Ալեքսիևիչը, իրանցի իրավապաշտպան և իրավաբան Շիրին Էբադին, ուկրաինացի իրավապաշտպան և Քաղաքացիական ազատությունների կենտրոնի ղեկավար Ալեքսանդրա Մատվիյչուկը, ամերիկացի իմունոլոգ Դրյու Վայսմանը։
