01.05.2026 | 09:27
Հայաստանի Հանրապետությունը ծաղկում է ապրում, և սա բոլորիդ աշխատանքի շնորհիվ է․ ՀՀ վարչապետի ուղերձը
Դատարանը կալանավորել է «Կրոկուս»-ի ահաբեկչության գործով ութերորդ մեղադրյալին. նա կատարողներից մեկին բնակարան է վարձով տվել
Քաղաքականություն
26.03.2024 | 14:37
Մոսկվայի Բասմանի շրջանային դատարանը կալանավորել է Crocus City Hall համերգասրահում տեղի ունեցած ահաբեկչության գործով մեղադրվող 32-ամյա Ալիշեր Կասիմովին։ Այս մասին դատարանի դահլիճից հայտնում է Mediazona-ի թղթակիցը։
Պատասխանելով դատավորի հարցին՝ արդյո՞ք հասկանում է մեղադրանքի էությունը, Կասիմովը սկսել է բացատրել, որ չգիտեր, որ իր վարձակալները կապված են ահաբեկչության հետ, ինքը պարզապես «Ավիտո» կայքում տեղադրել է բնակարանը վարձով տալու մասին հայտարարությունը։
Կասիմովի նկատմամբ խափանման միջոց ընտրելու գործով դատական նիստին մասնակցելու համար Ղրղզստանից ժամանել է վերջինի մայրը։ Նա Mediazona-ի թղթակցին ասել է, որ իր որդուն բերման են ենթարկել շաբաթ՝ մարտի 23-ին։ Կասիմովն այդ ժամանակ ընտանիքի հետ գտնվել է մերձմոսկովյան Կրասնոգորսկ քաղաքում։
Ալիշեր Կասիմովը «Կրոկուս»-ում տեղի ունեցած ահաբեկչության գործով (Քրեական օրենսգրքի 205-րդ հոդվածի 3-րդ մասի «բ» կետ) ութերորդ ձերբակալվածն է։ Ահաբեկչության հավանական հեղինակները ձերբակալվել են կիրակի՝ մարտի 24-ի երեկոյան։ Երեկ՝ մարտի 25-ին, դատարանը կալանավորել է Renault մակնիշի ավտոմեքենայի նախկին սեփականատիրոջը, որում եղել են ահաբեկիչները, ինչպես նաև նրա եղբորն ու հորը։
